على كثر الحزن اللي عزف من نايه الونات على لحنه رقص جرح تصفق له معاناتي على كثر الدموع اللي مسيل مزنها العبرات جروح شفتها ترسم ملامحها بصفحاتي سهام الغدر مسنونة بقلبي ترسل الطعنات وأنا ما ظن بقى فيني وطن يحمل مسراتي أشيل هموم في صدري تعدى حملها الطاقات وأقول إن الفرح باكر يلون حمرة شفاتي وفجأة شافته عيني وسحره هزني بسكات عرفت إني لقيت اللي فقدته في محطاتي أمير في نظر عيني هزم جيشي مع القوات وأنا اللي ما حسبت العشق يسوي فيني سواتي يبدّل كل مفاهيمي يغير شفرة الموجات بعد ما تاهت أدروبي لقيته لملم اشتاتي أشوفه كوكب داير ينور عتمة الظلمات بعزمه سطر التاريخ لي أجمل حكاياتي أثر حبه وسط قلبي بنى قصره من الدانات عشقته والعشق يسري مع دمي ونبضاتي ملاك خلقه الله في حسنه تنكتب أبيات وأنا من كثر ما أحبه تغنيته في أبياتي قصيدي مركب سايح يلاعب موجه القافات حبيبي قايد المركب عشقته من بداياتي صدى الصوت
