وش تفيد السوالف والمدى في سكون والخطاوي توارى بين درب وسفر ووش تفيد الشواطئ والبحر مايمون وكل حزن في صدري مركب بلا بحر قلت أنا الله وكيلك لا تحطم غصون ماعاد أقوى على قو احتمال وصبر كيف أداري عن عيون الحزين الطعون والنوارس على جسري تودد طهر وش أنا ألا مشاعر والمحبه دخون في حقيبة سفرها من نباي العطر ووش أنا ألا قصايد ماتوارى بحصون تعبر الصعب تحمل للرحابة صدر ووش أنا ألا شجون أللي بقى من شجون بين قلب المحب ونبض من له سبر وكان باقي على خبري وقلبك حنون شتت الحزن هذا مابقى بي حذر كيف أمر بعيوني والذواري تخون كل عين على المرقب تحرى خبر لامتى هالذواري بين شكل ولون كل مامرها الطيف اسرفت به قهر تهدم الروح تبني جسرها من الظنون والخطر مثلي ينادي من في باله خطر في نهار الوداع المر تدفن جفون ماتقر بمسافات وغياب ودهر تكبر وكبرت في كل جال بجنون وأللي يسبر لها الدرب التقط له حجر ياعيون الذواري قبل تعمى العيون خافي الله ونامي كان عندك نظر. سالم الجهني
