ياقصيدي جود بالمكنون من صدق النوايا دامت الغايب كبير ودامت الفرحة كبيره فرحة الشعب السعودي ما لها وصف وحلايا ومن يلوم الشعب في حبه وتقديره لأميره الأمير اللي عطا كفة كما المزن الهمايا يحيي الأرض اليباس ويغني النفس الفقيره الأمير اللي حباه الله من حسن السجايا وارتفع قدره على روس النجوم المستنيره ميزه ربي عن العالم ويا كثر المزايا فيه دين وفيه جود وفيه حلم وفيه غيره غيرته للدين واكثر ما أشغله من القضايا مسجد الأقصى الأسير وش رزاه وش مصيره غاب عنا سيدي والشوق سوا بي سوايا يا عسى فالأمر خير وياعسى فالأمر خيره راح عنا سيدي لكن حبه فالحنايا في صميم قلوبنا لو راح من ديره لديره ثم جانا والعيون لشوفه الغالي ضمايا والقلوب تصافحه قبل اليدين وتستثيره مرحبا يا غالي شرّف وبسماته هدايا والهديه جيته سالم وغانم للجزيره مرحبا ياسيدي سلطان كساب الثنايا يا ولي العهد قايد قوة الجيش ووزيره مرحبا يا سيدي سلطان زيزوم السرايا الكريم ابن الكريم وسيرتك فالمجد سيره انت سلطان العطا والخير بسام الثنايا انت الأخلاق الحميده وانت الأمجاد الشهيره انت علمت العطايا صدق وشلون العطايا دام جودك يا طويل العمر من طهر السريرة وانت علمت الرزايا كيف تحطيم الرزايا بالصبر لو الزمن قاسي وصكاته مريره كم بنيت من البيوت وكم كسيت من العرايا وكم قضيت لراعي الحاجات حاجت كثيره كن لداتك هبات وكن صداتك منايا وكن مداتك مزون الغيث وامطار غزيره جعل ما صابك من الأسقام تكفير الخطايا ويا عساك تعيش في صحه وفي نعمه وفيره تستحق الحب يا سلطان من كل البرايا والدليل اللي تشوف من الجموع اللي غفيره بلغوا عني طويل العمر موفور التحايا وقولوا الغايب كبير وقولوا الفرحة كبيرة عماد الشريف (عناد القاف)
