يكفي بحلم السهر دايم تجابهني وتحلو معك السوالف بيني وبيني وش عاد بالله لو عادتك تسفهني مسكنك قلبي ومصيافك شراييني ياخي فأشياء كثيره إنت تشبهني سبحان منهو نسخ عمرك من سنيني بي صاح شوقي لبعدك يامشوهني مقهور يشكي وانا اسأل يا مشقيني بالله صادق بربك صرت تكرهني؟ والا لعانه كذا ودك تبكيني؟ اما انت تكره؟ قويه! بس واجهني واكره على راحتك دامك ما تغليني راهنت صدك وعيا لا يراهني اني ل آجيب صباح شفاك عيديني بس خلني حول كتفك لا تدهدهني با رتاح انا شوي هذا الشوق منهيني ف ان شفتني فيك ضايع لا تنبهني أنا أدلك وابجهل معك انا ويني ماني بغافي ولا بي منك تندهني ب آفلها بالسكوت وعينك بعيني ان كنت باقي على خبري تولهني الله يعينك على شوقي ياناسيني احسب حسابي اذا ودك تواجهني والله ل ارسم على فمك عناويني عقاب الربع
