أن جيت اشبهك القمر يانور عيني مايصير من جا يشبه نور عينه ماخذا غير القمر انتي تجاوزتي مراحل وصفك البدر المنير واصبحتي اول من خذا وصف السحاب المنهمر انتي البراد اللي ينسنس وارضنا شمس وهجير وانتي الغصون اللي بدون الري يزهيك الثمر وانتي ارجوان الورد وانتي النرجسية والعبير وانتي الحياه اللي السنين بحضنها ماهي تمر انتي الجمال اللي بهذا الكون مامثله يصير لك طلة(ن) فاقت طلوع الغيم ونجوم السمر لك هيبة(ن) مااختالها حاكم ولا مثلك امير جعلتي الوصف الخيالي في طرف دربك ممر وصفك عديم ولو يطول الوصف بك يبقى قصير ياويش باوصف فيك من مبسم إلى خصر(ن) ضمر شعر(ن) زفل من نافخك كنه على ظهرك يغير وميلاتك ترتب له التنفيذ بإيعاز وأمر وعيونك اللي يوم ترمش كنها جنحان طير يخفق على الأغصان بالترنيم وعذوق التمر اذا مشيتي يفرش الديباج بارضك والحرير واذا حكيتي ينعقد من بعد قولك مؤتمر حبك زرع في خافقي مشتل وبستان(ن) نضير اسقي جذوره من عروق(ن)نبعها دم(ن) حمر بالمختصر انت ملك هالكون وانا لك اسير مابين رمشك والهدب سجين بك طول العمر
