شاعرة تكتب بلغة الفجر المبلل برذاذ المطر، تستلهم لغتها الباذخة من إحساسها الجارف، وتمضي لتزرع الشموس والورود على ضفة النهر الحالم بصبح مختلف.. سحر الشهري اسم لا يختلف حوله الإبداع. صباح الضيم صباح البارد / السّاكن صباح ال / ليه وال /لكن صباح اللي سهر محتار صباح إش صار؟ صباح الشوشرة وال/ آه صباح إش جاه؟ عسى ماهو حدن غيري عبَر واغواه *** صباح الهمّ صباح اللي ثمان سنين فاقد أم ؟ صباح اللي زهد هالكون يبي موته ومايدرون صباح إش لون !! صباح اللي سمع حكي(ن) كأنه سمّ يَ كم عدا وعدا كمْ صباح الظلم *** صباح الشّح صباح اللي إذا خابت ظنونه / كح وغض الطرف وتنح نح: يجيب الله عقب طول المظالم / صُبح صباح اللي نغر جرحَه حكي عابِر وهو كم له على ضيم الزمن صابر وعلى أشياء ماهي صح بيضيع العمر وأنت: تلح *** صباح إش قلت ؟ صباح ال إيش ؟ ترا ماعاد فيني قلب دخيلك حاكني بشويش ترى قلوب الجميع تهون ولو تكثر خطا ماهنت وأنا لو صرت مثل الصخر ترى لو جيت يمّي لنت صباح /اللا إنت *** صباح العيب صباح اللي إذا ماجا بشين الخلق يجي / بالطيب صباح التين والتوليب عسى اللي ما حصل بالأمس يحصل قبل تغفى الشمس في حضن الأفق: وتغيب
