ضحك أحجاج الفجر والجو غيم ومطر والخير ضافي ورحمة ربنا ضافيه الغيم يغسل يباس الأرض سطر سطر سبّل عليها قراح دموعه الصافيه تحس يعلو مُحياها غرور وسطر وتطق بصباعها لأيامها السافيه أيام يا قربها للي يعيش ونطر بيشوف من جوفها خيراتها لافيه يشوف فستانها الأخضر مُحيط وقُطر يبي يزيّن مناكبها وهي غافيه ازراره من الزبيدي والورود الفطر ومن كل زوجٍ بهيج حكايةٍ دافيه صناعة الله مهو شيٍ فبالك خطر يا راسم اللوحه اللي ماهي بوافيه شف كيف زانت ملامحها وبشّت عطر الوصل طب النفوس ويجلب العافيه والهجر سم الكبود اللي فطرها فطر من طاوله بعد صمّته بيّح الخافيه عبره للإنسان يوم انه بصدّه بطر مايدري ان التسامح خصلةٍ شافيه للوصل حاول تبادر لو طريقه خطر لو كان مزروع شوك وخطوتك حافيه والشعر ماهو مجرد عجز يرّدف شطر وأكبر من انه يكون الوزن والقافيه
