ياصاحبي كثر المجامل ياذيك سلم على مبداك لاشك قلّه ان النوايا السالمة ما تكفيك ولو انها ما تفتقر للادلّه ان جنبك شيٍ ولاهوب يعنيك من باب درء المفسدة عنك خلّه ولّا ترى العالم معاك وحواليك لغزٍ تموت وانت ماجبت حلّه والهاجس اللي بأول الليل يمسيك تصبح تراك تشوفه بغير حلّه لو ناخذ الدنيا على كف تشكيك شفنا هل المله على غير ملّه صراحةٍ درب المهالك توديك وصراحةٍ تقبل بها الناس لله حسب ظروف الوقت واللي يواليك واللي يبين لك على ادناة زلّه ناسٍ بليا أسباب ودها توطيك وناسٍ تعلي منزلك للاهلّه الاولة من باب ماعاد نرجيك والثانية لله ولو هم قلّه خلك على النية وهي منك واليك وبن آدم الأرزاق ومكتوبةٍ له واذا القناعة كنز ماهوب يغنيك مهما اقتنعت بشي ترجع تملّه اذا الضمير الحي ماهوب يمليك ماينفعك لو تملك الكون كلّه والموت حتما لو تاخر بياتيك اما يجي بعله او بدون علّه