اخشى على شيٍّ يجي ما يسرّك ترى الخطر يمكن يكون بالحال في لحضةً مالت عليك وتضرّك واللي يصوّر مبدع الفن لا زال يشوّقك صوب المناظر يجرّك حمد عبدالله الوايلي - حوطة سدير هذا مكان فايق الوصف بالحيل كبد السماء حوله وحوله خطرها خل العيون تشوف ادروب للسيل وتشوف منظر قلّ منهو نظرها اجبال ربي راسياتٍ من الميل هذا الشباب اللي تعلا بظهرها صعود الجبال هوايةٍ للرجاجيل اللي تحب سفوحها مع صخرها عثمان إبراهيم الرشيد - الرياض سبحان من يرزق جميع المخاليق له قدرةٍ تقدر على كل قدره من حكمته أرسى الجبال الشواهيق إتقان من تجري المقادير بأمره منظر به الفتنه .. وبه نشفة الريق تكوين روعه وانحدارات خطره لا باس نجلي الهم ونَّفِّس الضيق كلٍّ يبي يوسع بها الكون صدره لكن بها الدنيا تلاقي مطافيق ما همهم شيٍّ على شان شهره فوق الجبل من قمّته ناسٍ تويق كم نظرةٍ عادت على الناس حسره ناصر جمعان آل عوض - وادي الدواسر وش حدكم ياللي على الجال فرحين هذا الخطر والموت وانتم تعرفون من لا يقدر للخطر صار من حين عظه .. وعبره للبشر كان تقرون درب الخطر ياخوي اقشر وهو شين وش عاد لو قالوا مهبّل ومجنون ترى السلامه دربها واضح وزين خلّك حبيب وغالب الناس يدرون عبد الكريم النغيمشي - الربيعية ان كانها ضاقت علينا الوسيعه نرقى على روس المشارف والاضلاع فوق القمم .. والشاهقات الرفيعه تشاهد أرض الله على مد الاتباع وان هبت رياح الهبوب السريعه مالك سوى أرض الله والاحداب الوساع سبحان من بيده حياة الطبيعه ياللي خلقت الأرض و جبالاً ارفاع عبدالعزيز مفراص المعاوي – بيشة سبحان ربٍّ خلقها ثم ارساها يا زين منظرها والكل يغليها بجواً يسر القلب والزين غطاها في منظرٍ شاهق سبحان بانيها ياما حلا ظلها والناس تهواها الله عطاها جمال والرب حاميها محمد عبدالعزيز الخنيفر - أشيقر سبحان منهو مرسي الارض بجبال تثبت على طول الزمن ما تحرّك واللي وقوف كلهم صف بالجال يا ويل حالي كيف صوّرت منظرك من فوق عالي الشهب صوره فضيعه فوق الضلع يا الله .. يا الله سترك هذا الخطر واضح واجب تذيعه بعض المغامر يا أبن الأجواد تجبرك تشره على الرجال قبل الطبيعه خالد بن ناصر المخيمر - روضة سدير هذي جبالٍ عجيبه في مناظرها سبحان ربٍّ عظيم الشأن مرسيها الناس تسعد بها والكل زايرها الكل ياتي لها ويعشق اراضيها ريان محمد الخنيفر - الرياض ما يرتكز فوق ب عِلِي النوايف غير الكفو اللي دوم للحمل شيّال الصاحب اللي ما يحسب الكلايف رَجال وفي فعله يساوي له إرجال تلقى الردي دايم من الموت خايف ولاّ شجيع الرأس مقدم على الجال ماجد محمد اللهيب – القويعية هذي جبالٍ زخرفت عهد الاقباط قل العدد معهم مهارات ونقوش فيهم صلابة للمهمات ونشاط بقوة الصخر حطوا بنايات وعروش سعود عبدالعزيز الهزاع - نعام اللي جلس يا ناس في رأس قمّه ويشوف بعينه كل شيٍّ حواليه مرتاح مريح زال غمّه .. وهمّه مدلّهٍ فكره .. وقلبه مسليه متعلّيٍ وأعذب نسيمٍ يشمّه واللي صعد يسلّي حبيبه .. وغاليه محمد إبراهيم الفهيد – الزلفي زين المناظر سعوديه يوم أعجبت كل سوّاحي تلقى المداين شماليه تشوفها وأنت مرتاحي عبدالكريم عبدالرحمن السلّوم – القرائن منظر يشد الفكر والقلب والعين برضٍ وجواً فيها الألباب مسلوبه بضلعٍ كما المرقاب أكثر من اثنين بالعين مطول موقعٍ وقفوا به ذي ظنتي شوفه وهقوه وتخمين ويختلف بالرسم من يكتبوا به يا كيف من ينشاف به واقفين من طوله أو صعبه رقوا وطلعوا به وإن أختفى دوره مع الوقت هالحين لجل التراث أهل الوفاء غرّدوا به سعود عائش الحربي – القاهرة دَكّة خطر فوق رجم طويق وش مطلعك يا ولد قلّي البر زِينه بليّا ضيق في خايعٍ نوّته ظِلّي أبو بكر عبدالعزيز الريس - الرياض نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] أو الفاكس رقم: 0114871070 ويا هلا.. صورة العدد السابق
