كان كاتب اللغز الماضي الشاعر مطلق بن مناور الهدروس من حفر الباطن ويقول: انشدك عن ثنتين متخالفاتي جميع مابالاوله بالاخيره يخدمن راعيهن وهن بيناتي وكم خسرن من لايعرف البصيره وقد توصل للحل شعرا: ركبتها لوحات متظاهرات برقامها وحروفها المستنيره عند المرور أرقام متسلسلات لجل الغرامه والامور الخطيره عبداللطيف الحُمَيَّانِي / عنيزة يامرحبا بك عد نبت النباتي بالقرم مطلق كثر لمبات ديره والحل عندي ياجميل الصفاتي لوحات سياره كبار وصغيره احمد بن ناصر المحرج/الرياض تحية حلوة وسكر نباتي للي بنى لغزه وعطر عبيره ثنتين يامطلق وهن بيناتي لوحات سيارة صغار وكبيرة علي الرشيد - رياض الخبراء تنشدني عن ثنتين متخالفاتي لوحات بالفكس ار تضبط مسيره وحدة تجي قدام علم ثباتي واخته تصير وهي الاخيره محمد ابو دحيم - البدايع يامرحبا ترحيبة له سماتي واغلى تحية في رسالة قصيرة الحل لوحات على المركباتي يحتاجها السايق لضبط المسيره طلال الرشيد - الجبيل الحل لوحات المواتر ثباتي يالله عسا لك قلت بالامرخيره المشكله ارقومهن واضحاتي بس انتبه ساهر وسري وغيره سعد صنهات السهلي الدرعيه لغز الأسبوع يكتبه هذا اليوم الشاعر سعد صنهات السهلي /الدرعية ويقول: الا ياويش رجلينن ترى بلون مختلفين يجي وقتن من الاوقات يلزم شوفهم تثبيت ترى لله قال يلزم شوفهم وتشوفهم بلعين مهوب اتظن بلهقوه بعد وتقول انا ظنيت نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاوتين.
