الناس عطشت حداه الصيف والبير واحد ولامن ثان يا رب تنظر ضعوفك كيف هاموا على البير بالمجان يا رب تلطف براع الريف كلٍ يبا السطل مليان عبدالكريم النغيمشي - لوذه جمعٍ كبيرٍ يطلب الماء لزومي شيٍ صعيبٍ طلعت المي بحبال كلٍ حياته لا حصل ماء تقومي هذا حصل بالذكر في خير الأقوال علي رشيد الرشيد - رياض الخبراء الماء حياة وقلة الماء مهالك شفنا العطش والعين هلت عباري شف حالهم وأنظر بسرعه لحالك لا تسرفوا لوك على نهر جاري يالله ترحم حال من هو دعالك تروي عطشهم ثم تروي البراري بمزنٍ تهله فوقهم والثنالك وتنسيهم القلبان ولفح المذاري عثمان إبراهيم الرشيد - الرياض اضعوف موردها على جمّة البير مدري من الصومال وإلا السِّنغال يا الله طلبتك بالبشر حِسْن تدبير وحال التخلف تخلفه بأحسن أحوال أحمد السمحان – الزلفي معهم أواني كلها حجمها صغير مدري من المسقاة وش يرتجونه مشهد غريبٍ ما يبي زود تفسير في ظنّهم علاجٍ بماء يشربونه سعود عبدالعزيز الهزاع - نعام الناس ضميانه تبي جمّة البير مسافة المشوار جهد وبهاذيل قامت تداحم واقفينٍ طوابير ياما شكوا من كثرها والغرابيل حمد عبدالله الوايلي - حوطة سدير الماء نما والناس يا ما تمناه هذي نعم وعندنا كثر الإسراف وهذي عبر وأنتم تعرفون معناه وبعض البشر ينعاف فعله وينعاف وشوفوا العبر قدامكم .. والمعاناه والحمد للمعبود للعبد رواف .. رواف محمد عبدالعزيز الخنيفر - أشيقر اردوا على هدّاج تيما وحايل أرض الجزيره والملك عبدالله البير سايل وكل وادن سايل من فضل ربي واكرمه إي والله وعبوا صغار وكبار هذي الجحايل واشرب شراب الهيم مع خلق الله شجعان سعود المقاطي - الرياض شوفوا المياه وفضلها لا تسرفون طبيعة الإسراف والله ظليمه لا يجي يوم بحاجته كم تمنون الماء نما يا أهل العقول السليمه بعض البشر للدرب دايم يتيهون ونفسٍ على الإسراف ياهي ثمينه ريان محمد الخنيفر - الرياض يالله إنك تلطف بهم يالطيف اجتمع في بختهم فقر وظما القليب اللي يلفونه لفيف والحظيظ اللي رشى دلوه رما جعل نجد من الدواسر لا عفيف ينتثر في خدها خير ونما عبدالعزيز فهد الريس - الرياض صوره وفيها من الأسى عدّة ألوان فقر .. وكسافه والموارد قليله والماء يكود ونعمةٍ مالها أثمان والعز ما ترضى نفوسٍ بديله خالد ناصر المخيمر - روضة سدير نرحب بمشاركاتكم الشعرية وما تلتقطه عدساتكم من الصور الهادفة والطريفة .. على إيميل الخزامى: [email protected] أو الفاكس رقم: 0114871070 صورة العدد السابق
