الزود هو والنقص محفوف باخطار جير الوسط في كل الاحوال زينه قايد الهوندا جذب جل الانظار الله على وزن(ن) زياده بعينه لو شكى الدباب قال الحمل صار لكن عليّ أشيل لو هي غبينه سعود عائش الحربي لا والله اللي ما عليك خوف يا صبي متذرين خلف السواق السميني مدري تمشي وسط كراتشي او دبي متمسك بجنوبه عسى الله يعيني سالم من الغبرات وبظهره متخبي انشهد أنك يا الصغير ذهيني خالد بن ناصر المخيمر - روضة سدير يا سايق الدباب مخاطر وفرطت تردف طفل وتضايقه في محله ما فيه فن وذوق للموت عرضت بريء ودمه ظالمه تستحله مشهد وان شفته في بلدنا تحطمت منظر مكرر ينتظر من يحله محمد إبراهيم الفهيد - الزلفي لمحت انا الصورة وهو راكب ورى طفلً صغيرً وحاضنً شيً كبير من كبر حجمه صار له ستر وذرى متمسك بقوه وخايف لا يطير عبدالرحمن عبدالكريم العبيد - الرياض يا مردفٍ طفلك وراكم بدباب وشلون تركّب خلفكم ذا الصغيري كنه زرار مخيّطٍ بنص جلباب تبارك الرحمن جسمك كبيري اعقل توكل خذلكم كل الاسباب لي طاح قلنا المقدر يصيري سعود بن عبدالعزيز الهزاع - نعام بالهون ياسايق الدباب رديفك الورع عدبته بلشان خلفك يبي مقضاب الخوف والرعب شربته قدام خلّه تصير إحجاب قدام عينك أوْ ثبته فهد بن عقيل الطويان - بريدة عزاه ياللي تقل مطبوع في لوحة بانت الوانه ابوه مسرع حداه الجوع والورع نايم على وذانه عبدالكريم النغيمشي - لوذه رصو الدباب بحمل مايطاق راكبه دب توجه مع طريق مع صغير يعاني في شقاق ﻻتلومونه معه حق يضيق اسال الله السلامه ﻻيعاق حمد عبدالله الوايلي - حوطة سدير راكب فوق دباب تحدى الصعاب مع صغيرٍ وراء يالله درب السلام" " الله اللي خلق خلقه وحط الحساب لا تقل ذا صغير وذا كبيرً تلام " إدرك الوضع خفف دام عمرك شباب صحتك غالية خلك على ما يرام" عثمان ابراهيم الرشيد - الرياض يا رجل يا ظالم الدباب الشاص قرب على قصه ثقل الحموله هي الاسباب والطفل مقبل على رصه ليته أمامه ولا ينصاب ويجنبه من خطر عصه احمد السمحان - الزلفي حط الولد قدام ياصاح ترتاح يرتاح بالك حيث عينك تشوفه وأحذر تحطه خلف تجهله لاطاح خصٍ إذا جسمك كبيره ردوفه فهد بن عبدالله المجيول - محافظة مرات صورة العدد السابق
