الحبحب اللي واضعينه تحت زير من أجل يبرد عادة الأوليني هذي ثلاجتهم بذيك الأعاصير في حالة يرثى لها صابريني يا صبرهم بذيك السنين الأغابير هذي دروس وأنتم العارفيني محمد عبد العزيز الخنيفر - أشيقر ذكرتني يالزير عصر لنا فات أيام كنا نرتوي بالغضاير أيام طيب وقلّ وللزاد لذات والسيدلان معوض ذا العصاير والماء بوسط الزير طعمٍ ونكهات وقت البساطة وقت زين السراير عثمان ابراهيم الرشيد - الرياض الزير يا ما قام في دوره واليوم من موروث الاجدادي ما غاب عن ديكور بالصوره وعلى نطاقٍ ضيقٍ فادي احمد السمحان - الزلفي هذا زمان أجدادنا بماضي فات الماء بوسط الزير وحوله غضارة سنين راحت والمواقف كثيرات لا من كهارب مع حياة الكدارة والماء هو المطلوب في كل حزات والحبحب البارد يزيل الحرارة ريان محمد الخنيفر - الرياض الماء طبيعي مبرّده جوف ذا الزير للي يبي يشرب عليه الغضارة ما جاء محلّى من البحر مصدره بير والجح حالي يعجبك في حَماره عليه خيشة وباردٍ من المقاطير زمان ما ننساه بوقت الحضارة سعود بن عبدالعزيز الهزاع - نعام الزير مااحلا ماه لامن شربناه فيه الطبيعه والبروده عجيبه صافي زلاله ﻻتذوقت تلقاه ياحلو نضحه يابكر مع صبيبه ودي احط بمنزلي واتمناه واذوق بطيخ تحته رطيبه حمد عبدالله الوايلي - حوطة سدير ياللي تحط الحبحب اسفل من الزير أكيد عقلك طاير ماله زمام ترى الهوى في الصيف يلفح كما كير حطه بثلاجة بها الثلج اكوام تركي الوقداني صوره وفيها الذكريات القديمه الزير تحته كم جحه على الكيف مابه ثلاجه والحراره عظيمه برادة يا الربع والا احتما الصيف ايام راحت بين جد وعزيمه نشوفها بعيون من يسكن الريف خالد بن ناصر المخيمر - روضة سدير كل وقت(ن) له قوانين وسلوم وفيه زين وفيه بعض العواجه صوره بها فوارق الأمس واليوم مابين زير مان وثلاجه الزير والطاسه وحبحب تحت كوم الزير بارد والجح مابه خماجه سعود عائش التميمي الحربي - القاهرة يا ما حلا الزير والطاسه في دارنا اللي نزلناها مرحوم ياللي بنى ساسه وقتن مضى مانسيناها ذكرت نجره أو محماسه وامهيله قد شربناها عبدالكريم عبدالرحمن السلوم - القرائن صورة العدد نرحب بمشاركاتكم الشعرية وما تلتقطه عدساتكم من الصور الهادفة والطريفة .. على إيميل الخزامى: [email protected] أو الفاكس رقم: 0114871070
