كان كاتب اللغز الماضي لمحرر الزاوية والذي يقول: ياويش بنت يوم تولد كبيره وتصغر مع الايام حبه وحبه تجمع لشر وخير لاطق زيره ومكروهة مافيه حي يحبه ماشيف له زول ولا له عشيره ولا ينعرف سيله ووجهة مصبه وتوصل للحل شعرا: عادي كتب لغزٍ يبي له بصيره لامن قراه الرجلِ يحتار لبه هذي المصيبه كان حلت عسيره واللي ذهين يفوض امره لربه أحمد بن ناصر المحرج - الرياض يامرحبا بك مع وجيهٍ سفيره يابو رجا فنجال لجلك نصبه الله يكافي شرها وشر غيره ذيك المصيبه والدوى الصبر طبه سالم البشري - الجبيل يبن ارمال اللغز نطمح لغيره اللغز حله واضح لي مطبه تجي الضعيف والأمير ووزيره ذيك المصيبه واعرف الصبر طبه مشواح ثامر الشمري - الرياض يابو رجا لك عندنا طيب سيره ولك علم غانم عند ربعك بجبه واللغز انا استاده على كل سيره مصيبة مايسلم اللي تدبه مطير عبدالله بن رمال - الجوف يا مرحبا باللغز واللي يديره شاعر على الموروث ناره يشبه والحل كان الحل ما اخلف مسيره مصيبة ٍبالذكر والصبر طبه مقرن بن متعب الهرف -الرياض رجعت أنا لاجل الرجال القديره اللي لهم في وسط قلبي محبّه النخبه اللي للخزامى مديره أهل الشعر لاجا مجالٍ وطبّه ومن المصيبه والأمور العسيره يالله تجير وكل شرٍ تذبّه صالح عبدالله الزرير التميمي - الرس يا مرحبا مني تحية كبيرة لعادي اللي كل واحد يحبه لغزك تنقل بين دولة وديره مصيبة ما يندرى وش مطبه محمد أبو دحيم - البدائع يابو رجا ذكراك في كل ديرة بيت وصدى والغاز والعصر شبه ترا الحوادث كل يوم كثيرة ولا المصيبة كل بيت تطبه علي رشيد الرشيد - رياض الخبراء ترى المصايب يا جماعه كثيره هذى المصيبه ويل منهو تنبه بعض المصايب ياجماعه خطيره هذي المصيبه كل بيتن تطبه سعد صنهات السهلي - الدرعيه عادي كتب له لغز من عرض غيره يامرحبا باللغز واللي كتب به ينشد عن عذراء يوم تولد كبيرة ذيك المصيبة تروح من بعد غبه حبيب فريح الشامي - البدائع يالله تجنبنا الدروب العسيره من خادعك ياذرب الافعال كبه ترى القدر معروف شره وخيره مصيبة واللغز يعجب مصبه عبد المحسن المحيسن - رياض الخبراء وعلى وزن اخر (المصيبه) يابعد عمري جريره واحيانًا تبلى بها من غير سِبه احتمال تكون شرٍ واحتمال تكون خيره بس شماتة الحساد هي أقوى مسبه عبداللطيف الحُمَيَّانِي - عنيزة لغز الأسبوع كتبه للصفحة الشاعر صلاح اليابس من رحيمة ويقول: يا ويش بنتن وطت رجال والحزن من فعلها سادي ثمٍ توطت لها دجال الله اكبر يا لأجوادي نستقبل الحلول عبر الإيميل [email protected] أو الفاكس 014871070 كما نرحب بطرح الألغاز الجيدة ومعذرة لعدم نشر حلول الشعراء لتكرار مشاركتهم في زاوية صوت الصورة.
