كان بيت الاسبوع الماضي للشاعر حمد بن عبدالله الوايلي من حوطة سدير والذي يقول حول قضية انتهاء المهلة في بقاء المخالفين لنظام الاقامة واهمية التعاون مع اجهزة الدولة في منع التستر والذي يقول: ياهل التستر فعلكم فعل مذموم الله حسيب اللي يخون الامانه وكان صدى البيت من الشعراء حذراك يابن الدار في ساقتك قوم وحوشٍ تحطك في الأثامي لبانه من شان طفسة تشتري فيك وتسوم عشر اللهي تربح ما لك ثمانه غيّر مسيرك عن تسترك وتدوم ورزقك على ربٍ برزقه ضمانه سعود بن عبدالعزيز الهزاع - نعام لا للخيانة كلها لوم في لوم ياكيف نرضى في بلدنا خيانة كل ما فعلتوا ما خفى الناس معلوم واللي مشى هالفعل يلقى الإهانة تعاونوا ما بيننا بزين الأسلوم واللي مضى خلّوه ولّى زمانه محمد عبدالعزيز الخنيفر/أشيقر حب الوطن لا صار بالقلب مرسوم ما احدن يخون لديرته والامانه ترا التستر يوصل الشخص للشوم شوف الأوامر والحكومة بيانه صن الامانه واطلب الرب مقسوم واحذر يا بن بلدي سواد الخيانه علي رشيد الرشيد - رياض الخبراء امش الطريق الصح لا يلحقك لوم لا تقبل لنفسك مكان الاهانه من هان نفسه باعها بأرخص السوم ومن عز نفسه يعتبر له مكانه طاعة ولي الأمر واجب وملزوم وتسترن تبي الصراحه خيانه غنام مسعود القريني غاب الضمير وبه تستّر على قوم هارب ومخالف نظام الاقامة واللي تخلف صار ياناس مخدوم ياناس عيب وذي تروها الخيانة سر التستّر بات واضح و معلوم ومن بيننا ياناس ماله مكانة عبدالرحمن بن أحمد الكنهل - الرياض ترى الخيانة ما بها خير يا قوم واللي مشى فيها يشوف الإهانة من سار درب الشر يا ناس منجوم في دارنا معروف ما هو مكانه بالمملكة ما له مكان ومحروم واللي على هالحال خان الأمانة ريان محمد الخنيفر - الرياض قال تعالى واحدن حي قيوم (تعاونوا ع البر) لا لا الخيانه هذا وطنا منبع النور يا قوم مهد الرسايل والقيم والركانه قبلة عباد الله حاكم ومحكوم كلن يؤدي واجبه بالأمانه علي الزولاني الفيفي - بيشة بيت الاسبوع حول مقترح الاخ عبدالعزيز الحسين من الرياض والذي يحث على صلة الارحام وعدم قطيعتها ارسل الشاعر زيد زياد المفضلي من الرياض هذا البيت لارحامنا لازم تدوم الزياره والله يقطع ياعرب من قطعها نستقبل صدى هذا البيت بثلاثة أبيات فقط دور حول هذا الموضوع ويفضل الإرسال عبر الإيميل: [email protected] او على الفاكس (4871070/ 011) مقترح لموضوع بيت الأسبوع المقبل: ارسل للصفحة الاخ تركي الدويش من الرياض مقترحاً لموضوع بيت الاسبوع القادم وهو تعثر كثير من مشاريع الحدائق وعدم اكمالها لسنوات
