ياعين دمعك ليش ما تنثرينه دمعك يضرك لا تجمد ولاهل امة محمد كل أبوها حزينه شوفي عباد الله وشلون تسأل شوفي الحرم شوفي بقاع المدينه وشوفي ثرى نجد العزيزة تحلل وشوفي فلسطين الحزينه غبينه حامي قضيتها بجهد ولاكل منتي لحالك ياكثر فاقدينه ياكثر من يبكي على والد الكل مواقفه دايم جزال ثمينه لاتاه رأي أهل المواقيف له دل حاكم حكيم حكمته مستبينه يحلها لاوقفت مالها حل يكفيه خدمة بيت ربه ودينه ومجمع لكتاب ربه مكمل والشعب حطه بين رمشه وعينه صان العهد في بيعته عنه ما زل عسى كتابه ماخذه في يمينه وعساه من كل الخطايا محلل وعساه فالجنة بظل وسكينه وقبره عساه رياض خضر تهلل ويحفظ لنا اللي فالشدايد خزينه هم ظلنا اللي مانبي غيرهم ظل أخوان نوره عهدنا ماخذينه على كتاب الله لهم عهد ما اختل روابط بكتاب ربي متينه تبقى لنا لو حاولت زمرة الذل وعزاي فاللي بالحكم خالفينه هم درعنا الواقي عن الحقد والغل وصلاة ربي يالنفوس الحزينه على نبيه عد ما مدمع هل سليمان بن سعد السريع
