الأسبوع الماضي كان بيت الأسبوع للشاعر صلاح بن عبدالله اليابس من رأس تنورة حول مقترح الأخ ناصر الشرطان من الرياض وهو عدم المبالغة في شراء لوازم شهر رمضان من الاطعمة والاعتدال في ذلك ويقول: اقبل عليك الخير يا باغي الخير تقض ولا تسرف ترى منت جوعان وكان صدى هذا البيت من الشعراء الشهر هذا شهر حمد وتكبير ماهوب موسم للتباهي بالالوان اللي يزود عند الافطار تبذير يشوف شيء فوق تقدير الاوزان الواجب ان الناس تزداد تبصير وتقلل الكلفه مثل سالف ازمان علي رشيد الرشيد – رياض الخبراء خم الذي بالسوق من غير تقدير كن المجاعة موقده فيه نيران كفر بنعمة ربنا اسراف تبذير واذا تمادى الناس رحنا خبر كان يالله لاتسخط علينا بتغيير واهد الذي بالفشخره شانهم شان احمد بن ناصر المحرج/الرياض ياللي شريت اغراض من دون تفكير حذرا من الاسراف كم فيه جوعان فكر وناظر ويش عندك من الخير خذ حاجة تكفيك كان انت فهمان لو نقتصد بالصرف مع حسن تدبير مانشتري غير المهمات يافلان محمد ابودحيم – البدائع الخير واجد واحذر اليوم تبذير و اذا حصل هذا نقول انت غلطان النعمه النعمه يجب منك تقدير حافظ عليها وانتبه قدر اﻻمكان هذي نصيحه يا عساها تياسير وهذي رساله وافهموا العلم ياخوان محمد عبد العزيز الخنيفر - أشيقر بيت الاسبوع تجاوبا مع مقترح الاخ عبدالله الزبن من الرياض لموضوع بيت الاسبوع وهو عدم مضايقة المعتمرين بالمكوث في الحرم المكي خاصة مع الاعمال الانشائية للتوسعة الجديدة ارسل الشاعر عساف بن عايض العتيبي من الرياض هذا البيت يالمعتمر عمرتك خذها وعجلها ولغيرك اعط المجال ومثلك الواعي نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل. [email protected] او على الفاكس (4871070/ 011) مقترح لموضوع بيت الأسبوع المقبل ارسل للصفحه الاخ الدكتور صالح محيسن الشمري من الرياض مقترحا لموضوع بيت الاسبوع القادم وهو وجوب الاقتصاد في استهلاك المياه وعدم الاسراف في غسيل الافنية والاحواش.
