تجهز تجهز ياخيالي وخلك ذيب احذرك هذا اليوم ياالشعر تعصاني أنا ماني شويعر خياله يجي تركيب خياله تجاري بين صيني وتيواني انا اللي ليا جيت انتهى الكتب والتشطيب صرير القلم فوق الورق نزف قيفاني ترادم مزون الشعر براقها تغريب على دار عرعر دار ابويه وجداني على قصر ابو خالد مطرها بريح الطيب مطر شعر ينصى سيدي نزف وجداني فرحنا بتجديده بلا شك والا ريب رجح بالفرح ميزان غيري وميزاني فرح فيه وجهات النظر ماتبي تقريب كلامي عليه اجماع شعبي وسكاني ومادامي بشر يخطي ويخطي ونوب يصيب وانا انسان صادق مابقلبي على لساني اشوف ان مانصب سيدي خارج التنصيب حسب ثقل تاريخه ومبداه الانساني ولد ثابت الوقفات متعب ظهور النيب سمع في فعوله قاصي الناس والداني عضيد الأمام بدوس قاع الخطر ياهيب يد بيد وفي كل المواقف مع الباني سميه واخوه ودرع صدره عن التصويب اذا صار لسلاح المعادين دنداني صميدع مجرب مايبي بالوغا تجريب لجل سنه الهادي نذر عمره الفاني يكم قاد نمراً تدب اهل الفتن تاديب على اهل الظلال وكل مشرك وقوماني قبل يطلع البترول والغاز والتنقيب هدف راسه التوحيد ماله هدف ثاني اذا وجهت لابن مساعد والامر مريب جميع الفتن حكمه بها حكم رباني على ماذكرت ان كان واحد يبي تعقيب عليه يجي ياخذ دليلي وبرهاني مسيرة بطل صفحاتها ماتبي تكذيب نبي نعطي الجاهل بها درس مجاني زهمنا على تاريخنا والعلوم تجيب يقول المكذب يتجه لي ويقراني ابدعيك ياللي للدعاء يادعيت تجيب تظله بظلك يوم زوغات الاذهاني وابدعيك يارحمن دعوه بظهر الغيب تمد بحياة مطبق الشرع بالجاني على الحق ماعنده عن المحكمه تجنيب ولا عنده عيالي ولا عنده اخواني سوا ماجعل للناس في ديرته ترتيب سوا حدر عدله قاصي الناس والداني انا اغليه قبل الشيب واغليه بعد الشيب ولانساه دامه ماوقف نبض شرياني ياكم جيت له مخطي ورديت منه مصيب ياكم رد غارات السبايا على شاني انا اغليه شاعر حر مايلتفت للجيب وجودي بامانه هو سبب نومي الهاني مهو بس انا من زار مشرف لقا ترحيب ولقابه عدو الظلم ومقدر العاني عساني فداه وجعل عمره بعمر شعيب فدا من رعاني حدر ظله ورباني
