*الأخ معكوس ماهو الهدف الشرعي قل لي بصراحة أصبحنا نشكك في الاهداف ولك التحية؟ متعب صويان الشمري -الشرعي اللي مافيه نوايا! *الى الحبيب معوكس شف الناس معظمهم تقاعدوا.. متى ناوي على التقاعد وتريحنا من نغزاتك على عباد الله؟ عبدالله المطيري- حفر الباطن بعد التعاقد مع التايمز! * الاستاذ معوكس عطنا رأيك في تجربة المنتخب السعودي مع اسبانيا من المستفيد.. الاسبان والا حنا؟ راشد الدوسري- الخبر -حنا وماحلاك يالحنا على كف خلي! *الحبيب معوكس وش تتوقع لو درى (الفيفا) عن الاعتراض المضحك على الصورة في اجتماع رابطة المحترفين بندر العصاي - عنيزة -لو درى كان طربقها وقضب مع امين السر دايري زيورخ الشرقي! * الدكتور معوكس فيه واحد يقول لو يصير ابو العواكيس رئيس لجنة والا مسؤول كان وظف كل الاقارب .. عرفناك نزيه؟ بدر السويلم- بريدة -حدد لجنة والا رابطة والا هيئة؟! * خفيف الظل معوكس وش رأيك باللي ماله علاقة بالانجازات ونلقاه يصرح ويهنئ .. ألا تتفق معي انه داخل عرض؟ عارف محمد- جدة -لزوم التنفيس والظهور بالصورة! * المبدع دائما معوكس ماهو رأيك بتصرف حسن العتيبي مع المدرب كومبواريه وهو ما فعله صائب ام انها نتيجة تهور في وقت حرج للفريق قبل بطولة اسيا؟ خالد الشريهي- الخرج - صايب ولابهجا شكل الخانة طارت على ابوعلي! * المميز ابو العواكيس بشرنا ان شاء الله يعني بنشوف الطائي والجبلين يلعبون في الممتاز ونشوف الاتحاد السعودي يؤجل مبارياتهم لمشاركاتهم الخارجية.. قل يارب؟ فهد الرمالي -شرط التوأمة مع اتحاد الكرة! * متى ياستاذ معوكس ننسى فيتامين (واو) في الرياضة وتسلك مسابقاتنا بيسر وسهولة دون تدخل من صديق؟ يوسف العبدالله - الرياض -مافيه أمل ولا حصيصة! * وشلون يا أخ معوكس رابطة الاندية بتوفر المعايير الآسيوية والبنية التحتية (كيف الحال).. وزد على ذلك عدم صرف حقوق الاندية التي بح صوتها دون مجيب؟ صالح الرويلي- عرعر -اهم شيء الاجتماعات والمؤتمرات الصحفية والثمرة صب قهوة وزنجبيل! * نلاحظ يا أخ معوكس انه لم يكن لك نصيب من اللجان على الرغم من نقدك اللاذع.. توقعنا انهم رايح يسكتونك بكم عضوية؟ محمد السالم - الرياض - بدري عليهم انا طموحي جنب بلاتر! *صاحب المليون رسالة معوكس وش رأيك باللي نط من بين اربعة عشر عضواً واعترض على صورة الدوسري على الcd اللي أصدره (الفيفا) يا أخي ماشوف مندوب الريال اعترض على صورة ميسي؟ نواف الصيخان - حي الفلاح -أقول الله يخلف ما بعد شيلة شعار المنافس من التذاكر الا الاعتراض على الصورة وهذا الفكر اللي بعض الفرق مكانك راوح عشرين سنة! *الغالي معوكس وش ذا المجاملات واللخبطة في دوري زين ماغير تأجيل والقوي ياكل الضعيف شكله دوري الواسطة؟ حمد الدوسري - أبومبارك - العزيزية - وانت وش محرق رزك البخاري اتذكر صارت عندكم في سوق الحمام وأجلت لجنتكم مواجهة الضبان مع الدجاج !
