الأسبوع الماضي كان لغز الأسبوع من طرح الشاعر محسن عبيد السهلي من الرياض والذي يقول: يا ويش رجال طعن بطن رجال ومن زود جوره قام يشلع جنوبه الاول إذا شفت زوله بتهتال والثاني اللي جاه ماهي عقوبه لكن غدو للناس فرجه بلا مال تفرجوا فيهن والاول حكوبه وقد توصل للحل شعراً: يا مرحبا حييت يا طيب الفال ترحيبة فيها طراة وعذوبه يا مرحبا والسيل يا صاحبي سال وسط الشعيب استبشروا وافرحوا به صلاح اليابس - رحيمة اللغز يا محسن عسى فالكم فال الله يجيب السيل نشرب عذوبه يفيض بالوادي في السحب همال ويدخل على مجراه زايد صعوبه علي رشيد الرشيد - رياض الخبراء الله يجيب الخير بمزون وخيال ومهبها نسري ودافي هبوبه وتسيل شعبانه من الجال للجال ويملي من الريضان كامل دروبه محمد أبو دحيم - البدائع هذي حلول اللغز يا طيب الفال بالرمعه الاولى عساها بصوبه السيل بالوادي تحدر من الجال ياطاحت الامطار علمه لفو به عبدالعزيز العنزي - بريدة اللغز يا محمد كذا حل له جال وفيه اشارك مثل من شاركوا به سحاب شقه برق والغيث همال والسيل سال وكل وادي رعوبه سعود عائش الحربي - القاهرة لغز الأسبوع كتبه للصفحة الشاعر مشواح ثامر الشمري ويقول: انشدك عن بنت تفكرت فيها اليا مشت تقول تاطا على ياي في صدرها من بين أسافل يديها تمن عزيز عن خطر مفتن جاي نستقبل حلول اللغز حتى مساء الاثنين القادم وذلك على الفاكس 014871070 ويفضل الارسال على الايميل [email protected] ونرحب بطرح الألغاز
