سبّوح يا ربٍ لك الحكم والشان وجهك يدوم وساير الخلق تفني الحمد لك يا خالق الإنس والجان نرضى بما قدرت لو هو فجعنا امرٍ قضيته نسألك فيه سلوان وصبرٍ جميلٍ في مصابٍ صعقنا فجر السبت جانا خبر هد الابدان ينعي ولي العهد ساعد ملكنا ينعي الكريم الحاتمي نبع الاحسان ينعي الأمير اللي به الطيب غني ينعي السّموح المبتسم ذرب الايمان ينعي العطوف اللي ندر في زمنا ينعي شموخ المجد في صورة إنسان ينعي انسياب الخير من راح يمنى راح الذي للجود توأم وصوان راح الذي يطرب إلى قيل عطنا الوابل الصيّب على الدوم هتان مروي الكبود اللي من الهم ذبنا كم ضيقةٍ فرج وكم غاث يتمان ياما بوقفاته ولطفه غمرنا دوحة حنانه طلعها طيّبٍ دان في ظلها اسمى الوهايب عطتنا مكارمه عمّت على كل الاوطان في كل قطرٍ له شواهد ومبنى قايد جيوش المملكه ركن الاركان خمسين عام في حراسة وطنا ليت العمر طوّل سنينٍ بسلطان وليت المنايا قبل موته خذتنا نبكي على فقده شبابٍ وشيبان غيم الحزن خيّم على مجتمعنا اوّاه يا سلطان يا كبر الاحزان هول الفجيعه يا بشر ما احتملنا ليته يناظر بعد وضعه بالاكفان وشلون موته فالضماير ضربنا موته تصدّر في الصحف كل عنوان كل الامم في حزننا شاطرتنا الله يبيحه ما رمش طرف الاعيان ويجعل مقرّه جنة الخلد عدنا ويجزيه عن ذنبه بعفوٍ وغفران وعن امّته يجزيه خيرٍ وعنّا وعن خدمة الإسلام واكرام قرآن وعن طاعته للي بحبٍّ حكمنا وعن ما بذل للناس في سر واعلان وعن ضمته طفلٍ بها ألف معنى بقلوبنا يبقى على مر الازمان ذكراه عطره كنه اليوم معنا يالعود يسقي تربتك غر الامزان في تربتك اغلى فقيدٍ دفنا لكم التعازي يا سلايل كحيلان يا السّعود أنتم ذرانا وأهلنا والشكر للوافي أبو فهد سلمان اخلص لبو خالد وقبله فهدنا والله يحفظ الدار من كل عدوان ويحفظ أبو متعب أملنا وسندنا ناصر بن جمعان آل عوض - وادي الدواسر
