الأسبوع الماضي كان لغز الأسبوع للشاعر مخلف سعيد الشمري من الأحساء والذي يقول: ويش شي واضح بهاك البطين دايماً معنا ولا عنه غنات شكله مدور ووسطه فتحتين وله اشكال منوعة شي ثبات ما انت حوله وارمعه كانك فطين اسمه مذكر ولا فيهم بنات والحلول الشعرية من الشعراء: صح لسانك والزرار بفتحتين يشيله الرجال وتشيله بنات هذا حله ويقول الله يعين الى ضمنت كيمت بضمن لك مرات محمد أبو دحيم - البدائع الله يعين الله يعين الصابرين زرار حل اللغز داشي ثبات ارسلت حله للرجال الطيبين اهل الوفا والطيب راعين الصلات اسيل بنت عبدالله السحيباني - الرياض لغز مخلف وصلنا والله يعين قمت فكروا بتغي جمع الشتات لين قلت ازرار هذا هو يقين والتحيه والغلا عد النبات علي رشيد الرشيد - رياض الخبراء ما خفى لغزك وحله لي يبين والردود اللي تبونه مرسلات الزرار اللي بمنظره الحسين مالنا عنهن غناة غاليات محمد بن عبدالعزيز الخنيفر - أشيقر لغزك يا مخلف معناه جيد وسمين والحر من عادته يعرف الاشارات اللي يضم الحبيب شمال ويمين ازرار يوجد بالثياب وبعض الجبات مدعث بن عيد القحطاني - الرين يا هلا بك عد ما نجم(ن) يبين وعداد خلق الله ومن يولد ومات وعداد ما حجو لبيته مقبلين يلهثون باسم ربي والصفات ويبن سعيد اللغز يبغى له فطين الحل زرار احجامها متفاوتات أحمد ناصر المحرج - الرياض يا بو سعيد الله يعز المسلمين والحل ازرة ثوب ماهي بالعباة جمعان بن حشر بن قويد - وادي الدواسر والحلول النثرية: الشايش حجي العنزي، عبدالرحمن إبراهيم المشعل، خليل غثوان العنزي، محمد الفريح. لغز الأسبوع كتبه للصفحة الشاعر شبيب بن هذال آل وندان من الرياض ويقول: يا ويش عذراً بليا زوج وعيالي وعيالها دايماً معها تباريها عند النشاما لها تقدير واجلالي معشوقة من صميم القلب نغليها
