بيت الأسبوع المطروح لزاوية بيت وصدى حول الابتهاج باليوم الوطني هذه المناسبة الغالية على الجميع وصدى البيت من الشعراء: يا ناشي المزن هات لجم ثم هلّه على عموم الوطن تقدير واكرامي للحاكم اللي قلوب الشعب محتله حبه سكن بالقلوب ونبضها الدامي تبادل المحب معهم والوفا كله الله يديم الامن ويعز الاسلامي بدر بن خلف الحزيمي ساس الوطن عدل ودين وملّه واسمه غدا بين الدول فوق زامي يوم الوطن ذكراه ذكرى نجلّه عاش البلد عاش المليك الهمامي قال الملك حنا قويين بالله ما دامنا ماشين درب السلامي عبدالمحسن بن محمد المحيسن - رياض الخبراء له محبةٍ وكل الشعب في ظلّه عاش رجل الوفاء هو عز الاسلامي دام عزه على الخيرات ونجلّه هذا ابو متعب على الطيبات مقدامي غالي علينا وحب الخير رمز له حقق لشعبه جميع كل الاحلامي محمد بن عبدالعزيز الخنيفر - أشيقر والله انا من صغير إلى كبير فدوة له دارنا نفداك ومن دونك حوامي يا فخر انك سعودي والسعوديه محله والعدل لا قالوا.. الحاكم امامي وعاش عبدالله وحنا تحت ظله يا عسى يومه سعيد وللدوامي حمد عبدالله الوايلي - حوطة سدير يا موطني موطن الاخيار بيت الله حبك تمازج بدم القلب وعظامي انت السمع والبصر لا شك بعد الله منك شرق وامبلج مصباح الإسلامي عقب العمايه ونبذ الحق شرع الله تحيا ويحيا الملكيا موطني سامي علي جابر آل زولان الفيفي - بيشة يقوله اللي يحبك يا وطن.. والله انك في القلب والمعبود لك حامي والشعب لك درع والمحبوب عبدالله في خدمتك يا وطن لا أغفى ولا نامي عيد الوطن غالي عند الشعب كله يا الله تحفظ وطنا طول الأعوامي علي بن معاضة - الرياض بيت الأسبوع من طرح الشاعر ريان محمد الخنيفر من الرياض حول موضوع كثرة طلبات المعلمات للطالبات مع بداية العام الدراسي ويقول البيت: يا معلمات الرفق بالطالباتي لا تثقلن جيوبنا بالمطاليب نستقبل صدى البيت بثلاثة أبيات فقط على الفاكس 4871070 أو الإيميل [email protected]. مقترح لموضوع بيت الأسبوع القادم قضية التعبير عن الابتهاج والفرح في المناسبات الوطنية وعدم ازعاج المواطنين.
