سلّم على اللي بالبشر عاش مرتاح بأرض ٍ خلا مبسوط يومه سكنها يخدم حلاله لا أظلم الليل قد طاح شغل العرب يومه تراعي ضعنها جافي هل النمّات لايسمع صياح له فيضة ٍ لاضاق صدره زبنها فيها البختري ينعش الروح لافاح وخلفات يسعد لاشرب من لبنها مبعد عن اللي بالعرب تضرم قداح قوم ٍ على الزلات تامر وتنها ومال الخبل في عالم اليوم نصّاح وأهل النذالة يابشر من ضمنها والبعض يطعن في زمنا بلا رماح وأهل الردى ياناس هذا زمنها وقت ٍ تغيّر وأصبح الهم يجتاح قلوب سوداء غارقه في عفنها هذي حقيقة يابشر ماهي مزاح وين البشاشه ميّت البعض عنها!
