في موسم الأعراس بنقول بيتين الله على القول الصحيح إيهدانا في عطلة الصيف الثمينة خبر زين كروت دعوات وافراح وتهانا بنصح شباب المسلمين المسمين يرقون فوق ولا يجون الطمانا يتزوجون ولا يقولون بعدين ترى قطار العمر ماله ضمانا والى نويت العرس يا بن الكريمين لا تاخذ الا كود بنت الحصانا يجي ولدها بالفعل يسعد العين ينومسك فعله وسيع البطانا ويا ولي أمر البنات المزايين خف الشروط اشوي وأكسب رضانا جوّز بناتك واطلب الله ثنتين يحسن خواتيمك وخضر الجنانا أنشد عن الأخلاق وأنشد عن الدين لا تقول كم فلوسكم يا قربانا كم واحدٍ بنته تعدا الثلاثين ومن شان راتبها مسكها الهدانا ولا تقدم واحدٍ كفو وذهين يقول تقول البنت مانت بهوانا حتى أصبحت عانس وجاء فالها شين والسبة أبوها ما عنده حنانا تبكي لا شافت ام معها وراعين وتدعي على أبوها قليل الحسانا ظالم ولا عدّل جميع الموازين حب الريال أعماه وأصماء الأذانا ما به دكاكينٍ ولا به بعارين تنجيه من قبرٍ ينزل به مهانا وصلوا على نبينا يالمصلين الله ينصرنا ويهزم عدانا شبيب بن هذال السبيعي - الرياض
