تكفون يا عيالنا تكفون درب الخطر قفلوا بابه أنتم شباب الوطن تدرون كم واحداً مات باسبابه عبدالكريم عبدالرحمن السلوم - القرائن ترفع غزاله بين تفحيط .. وأخطار من شأن يضحك لك من الناس جمهور لو افترضنا الباتشي صادم اجدار رحت ورديفك بين ميت .. ومكسور سعود عبدالعزيز الهزاع – نعام تكفون يكفي نكتفي بالقياده لا .. للتهور .. والخطر .. والغشامه ترى القياده فن .. وذوق .. وركاده يا خوف بعض اللعب يرجع ندامه عبدالله بن عاتق الغرابي - رياض الخبراء شباب داروا على الدباب اصحوا ترى الروح عاريّه ما تفرق الما من السراب ليا صرت بأرضٍ خلاويّه غازي بن قاعد العتيبي – الدوادمي يا راعي الدباب وشبك تهوّرت تسرع ولا تحسب مخاطر تشوفَه يوم الكفر مرفوع وانْتََه توخَّرت أخاف من يومٍ تصيبك حسوفَه منيرة حمد السياري - الرياض يا راعي الدباب عشنا وشفنا سلوككم سلبي وما هو تكانه وخويك الخلفي خطير المكانا ترى الخوي عند النشاما أمانه خيرالله بن طريف السويدي - حائل يا راعي الدباب فعلك خطيري وسط الشوارع مع رفيقك تسيعون أبعد عن الاخطار وقت المسيري نفسك وغيرك للخطر كيف ترضون محمد بن عبدالعزيز الخنيفر - أشيقر يا سايق الدباب بشويش.. بشويش لا تعدم الراكب وتدمر حياته كم واحداً راحت حياته سبب طيش بلمحة بصر ممداه يكتب وصاته خالد بن ناصر المخيمر - روضة سدير يا راعي الدباب حذرا تشقلب والا بينقزبك ظهر الهونداي وانته تراك مسوين فيه مقلب خويك اللي معك عاف التمشاي رائد بن مناحي بن مسعد - القرين شباب مستعرض على ظهر دباب يستعرضون الموت .. والموت قدام كم واحداً عاجز والاسباب .. أسباب وكم واحداً اهله يصيحون ندام حمد بن عبدالله الوايلي - حوطة سدير يا مرفّع الدباب وين أنت رايح تبي تطير ولا تدور مماتك أخاف والله من توالي المزايح تبكي عليك الوالده ع خواتك عويد الشمري - فحاء ما تسد الانظمه وحدها قط ان كان مالك في ضميرك رقيبي والدليل انشوف دباب فحط وراعيه ما راعى نظامٍ مصيبي سعود عائش الحربي - جدة نستقبل مشاركاتكم على إيميل الخزامى: [email protected] أو الفاكس رقم: 4871070 زاوية (صوت الصورة) ونرحب بالصور الهادفة والطريفة .. ويا هلا صورة العدد
