يا سيدي لاجل الوطن تبذل جهود الله يديمك يا زعيم المسيره كلك عطى يا سيدي عدة عقود تبذل لاجل الدار جهود كبيره تسهر طوال الليل وعيوننا رقود لاجل الوطن دايم عيونك سهيره اللّه يردك للوطن سالم تعود مشتاقة(ن) لخطاك ارض الجزيره يا قايد الانجاز افعالك شهود والفعل منها مثل شمس الظهيره يا خادم البيتين ما لعزمك حدود تعطي لاجل العلم قسمة وفيره صار السعودي .. ف المجالات موجود ف الطب .. والتعليم .. واشيا كثيره حتى الفضا جيناه رحنا له صعود (سلطان ابن سلمان ) برحلة شهيره يا الله يا الله طالبك ترحم العود في جنة الفردوس تجعل مصيره ويالله تديم العز في دار ال سعود يالله طلبتك ما يبدل بغيره واحفظ امام الشعب يا خير معبود خادم بيوت الله في كل ديره و(ولي عهده) شامخ(ن) كنه الطود ماينثني له عزم .. وف الارض خيره لا ثارت الهيجات في نار بارود ياقف لها [ سلطان ] بعزم وبصيره ومهما حكينا عن سما .. مجده نعود بارض الوطن نلقاه شمس منيره والنايب الثاني كما السيف ماكود من لابة تروي السيوف الشطيره لاجل الوطن .. لا ماذخر أي مجهود كل الصعاب تصير عنده يسيره لاجل الوطن .. واهل الوطن .. يتعب بزود ومنهو نوانا بشر .. ذاق الكسيره حنا لكم يا سيدي دايم جنود وانتم سيوف الحق درع الجزيره احمد البخيت العنزي
