يا ما حلا رسلان والسيف بيده صوره ظريفه والمعاني كبيره منظر جميل في ( خزامى ) الجريده مع دلةٍ والهيل فايح عبيره عبدالمحسن محمد المحيسن – رياض الخبراء صورة العدد الماضي البنت مجبوله على سلم الأجداد ترفع لنا الدله وتفخر بالألباس طالعتها صدفه على غير ميعاد صوره تذكرني بصالات الأعراس علي رشيد الرشيد – رياض الخبراء يا ما حلا صبّة الفنجال من هالفتاه السعوديه الزّي شعبي وحي الفال عزّ الكرم بالسنافيه عبدالكريم عبدالرحمن السلوم - القرائن صبّي مهيّل حاكرينه هل البيت مارطرطه هندي يحرس استراحه في مجلسٍ راعيه يفرح إلى جيت مع ما تيسر يسعدك من مزاجه سعود عبدالعزيز الهزاع - نعام يا بنت ياللي تصب الكيف تكفين صبّي من الدله فنجالها بالحضر والريف ما ينقده واحدٍ لله فارس رويلي العنزي - الرياض بنت العرب صبّي من البن فنجال فنجال اشقر من يدين البنيه كود العماس يطير من راس رجال رجال كيفه دلةٍ شاذليه ناصر مسامح الشملاني - الرياض ما حلا الفنجال من يد أبدويه وكل بهاره بس هيل وزعفراني ينعش التعبان شرب الشاذليه يسوى للي لفاك من البعد عاني زبن مقبل العنزي – بريدة يا من مزجتي بين زين المزايين بثوب الجنوب وهامة أهل الشمالي محروسةٍ بالعين وأنت تصبين زين الدلال اللي بها البن غالي خالد بن ناصر المخيمر – روضة سدير يا حلو هاللبس والمنظر جميل طفلةٍ تلبس قديمٍ بافتخار وما زين القهوه بالعهد الاصيل عادةٍ معروفةٍ في كل دار ريان محمد الخنيفر – الرياض يا بنت عل البن من دار خولان والهيل والمسمار من دار باتيل أي والله إنك عرب شانها شان رنة نجر يسمعه ساري الليل علي آل زولان – بيشه يا زينها ما سكه دله تصب لضيوفها الفنجال لاشفتها قلت ماشا الله متربيه في بيت رجال سوادي ركاض الخلاوي – الرياض الصوره اللي اختراها بكر هذال طفله صغيره الله يخليها لبوها معها دلت كيف وباليد فنجال راكان صورها وبالخزامى نشروها فايز فرحان السويلم – فيضة بن سويلم تسلم يمين اللي تسوق الفناجيل أم الخصال الوافيه والحميده عسى نصيبك من رجال المحصيل اللي يمينه ما تمد الزهيده سلمان إبراهيم السلمان- الصفرات الطفلة اللي على المركا بدلتها ولا اشوف كيفٍ من الدله يصبونه دلتك بالكيف ياراكان قندها والعود الأزرق بعد لازم تجيبونه غازي بن قاعد العتيبي-الدوادمي البن والمسمار ومبهر الهيل تمده العذراء على وسط فنجال يجلي العماس اللي بدا بأول الليل بنت الرجال اللي لهم قول وأفعال محمد بن فهد العجمي-الحريق يا بنت وايل ملحك اليوم قد زاد والدله البيضاء تجمَل يسارك قولوا ما شا الله نظرة العين حساد واللي يشوفك لازمٍ إنه يبارك حمد بن عبدالله الوايلي - حوطة سدير لا هنت يا مصور ولا هنت .. لاهنت مصوراً ماض العصور القديمه أتراثنا أرسومه على هالبنت شوفوا رسومه في لباس الحشيمه خالد بن ناصر القعياني نستقبل مشاركاتكم الشعرية حتى مساء الاثنين على الايميل الخاص بصفحة الخزامى: [email protected] أو الفاكس رقم: 4871070 زاوية (صوت الصورة) ونرحب بالصور الهادفة والطريفة .. ويا هلا
