سباح تستاهل شهادات سباح أغطس ومتعنا بفن السباحه تراك بعد التعب يوم ترتاح تحس في جسمك نشاطٍ وراحه ناصر مسامح الشملاني طبيت بالمسبح على الراس منكوس مع الزمن تصبح على طول غطاس جسمك سليمٍ ما حصل فيه حاسوس درب الرياضه يحتوي ذوق واحساس علي رشيد الرشيد - رياض الخبراء أسبح ولكن انتبه قفّله زين لارحت لا تنساه يغرق به أطفال كم مسبحٍ ماتوا بوسطه بزارين كله سبب ألا مبالات وإهمال سعود بن عبدالعزيز الهزاع - نعام ترى السباحه مالها غير سباح سلام ياصلك ياللي تحب السباحه افضل رياضه وقلبي لها يرتاح نسبح ونعشق فنها لو باستراحه فايز عبدالله العسراني - الرياض علموا اولادكم للسباحه والرمايه مع ركوب الاصايل وصية الاوايل أهل الصراحه وخلوا المسبح على أحدث وسايل سعود عائش الحربي - جدة شوقتنا للسباحه في حر هالصيف الشمس نار وقيظنا حر وسموم يا ريتيني فيه واسبحبه عالكيف واتبرد بماه واغوص واعوم سميرة سليمان العبرة - الرياض الله اكبر على السباح في صافي الما تشوفونه يغوص ويطلع كما التمساح فن السباحه تعرفونه عبدالكريم عبدالرحمن السلوم - القرائن المسبح اللي منوة الناس بالصيف بارد ومسقوف بعازل عن الشمس لا طبح السباح وسطه لقا الكيف ينسى الهموم اللي عمست خاطره عمس خالد بن ناصر المخيمر - روضة سدير هنوف على صرح الجريدة لها عنوان خزامى الصحارى منبع الشعر والشعار براعة التصوير تغرد في سما الأفنان وأشوف الصورة اللي قبالي تبهر البصار حمد عبدالله الوايلي - حوطة سدير ياطيبهم لامن قضوا بعض الاوقات برياضةٍ وقت الغرايق مفيده وصى بها الهادي ومعها خويات والعقل معها لازم انك تفيده راكان مجري العتيبي - الرياض يبي يطفي جمر صيفٍ مولع لصيفنا الحارق عسى الله يعينا سبّاح ماهر للمهارة يطلّع فنونه اللي فالمسابح تبينا فهد الدوسري - عودة سدير ما ألومك صيفنا نار وسموم مالنا غير السباحة منعشه واهني اللي غدا مثلك يعوم ينسى حر الصيف لحظة فرفشه سليمان العلي - بريدة ادري بحالك ولا تنام نطيت نطه صاروخيه مبادي القيظ والأحكام برد هذا اول مباديه خالد سعد القحطاني - الرياض يا المبدع اللي تبدع بالسباحه وتلعب الغوص لا تمل ولاتتعب أنا أدري أن السباحة بعدها راحه وترويح عن النفس والغير معجب محمد بن سعد السرهيد - حوطة سدير يذكرني زمان أول يوم كان الغوص وأسفاره يا زمانٍ مر وتحول يوم بالمسبح وأذكاره هشام بن محمد الدبيس - الرياض ن صورة العدد عدسة الزميل إبراهيم الجبر ستقبل مشاركاتكم الشعرية حتى مساء الاثنين على الايميل الخاص بصفحة الخزامى: [email protected] أو الفاكس رقم: 4871070 زاوية (صوت الصورة) ونرحب بالصور الهادفة والطريفة .. ويا هلا
