دوك الخطر.. والموت.. وأيضا البلاهه منظر خطير.. وصار عادي.. ومألوف صوب الكفر صفوا بخط المتاهه من وضعنا يا ناس يائس.. ومأسوف عبدالكريم النغيمشي - الربيعية ياخوك وقف عد لي كم منصاب وكم من شبابٍ راح وسط الحديدي وكم من عجوز تنتظر فتحة الباب وكم شايبٍ ضاع حلمه بديدي سعد الحماد - روضة سدير وين (ساهر) عنك يعطيك الغرامه لو دبلها عشر في حقّك قليله يا رجال الأمن شدّوا له خطامه والتجمهر زوّد الحمّى مليله لطيفة محمد العبدالرحمن – الرياض صورة العدد الماضي كم فقدنا من كبار.. وكم فقدنا من صغار كم كسبنا من يتيم.. ومن معاق.. ومن كسير كم رؤوس ماتلفت لا يمين.. ولا يسار كم نفوسٍ ماتحرك طايحة فوق السرير فهد السالمي الحربي ياللي تفحط وسط جمعٍ من الناس موت.. وخساره.. مال ما تستفيدي كم شجّعوك وقوف حولك.. وجلاس خطرك عاشوا فيه شيٍ أكيدي فهد بن عقيل الطويان – بريدة ما كل مرّه تسلم لك الجرّه هقوتك ما هي على كيفك تمشيها اللي يفحط لزوم يحد من شرّه بالتوعيه.. والعقوبه ما نخليها فهد العتيق - الزلفي من حول سيارة التفحيط متجمعين الفضوليّه حال التهوّر مع التفريط بالأمن يحتاج رويّه سعود عائش الحربي - القاهرة لو انقلب وإلا انصدم واحد ومات هجّو جماهير المفحط وخلوه إن سلم من الحادث مصير الكلبشات تمسكه في الذرعان وفي الحبس حطوه سعود بن عبدالعزيز الهزاع - نعام شبابنا راحت حياته على ماش في ساحة التفحيط نسمع صياحه وجهه موصوفر وعيشته كيس فش فاش ومستقبله ضايع مساه وصباحه خالد بن ناصر المخيمر - روضة سدير يا ممارسن مهنة التفحيط كثر الجماهير ما سروك سيارتك صابها التخبيط وللعقل والله ما دلوك عبدالكريم عبدالرحمن السلوم - القرائن ينزف جرح الألم في ذبح الأرواح كيف الحلم يموت من سن الطفوله لا تسأل عن العقل.. والمال يا صاح وكل شخصٍ في زمنا يحدد ميوله بندر عوض الوهبي - الرياض يا نايف الحربي عسى ما أنت موجود أشره عليك إن كان شفتك معاهم هذا مفحط بايع النفس مفقود مخطور يدهس واحداً من حداهم حمد عبدالله الوايلي - حوطة سدير يا الله عسى خاتمتها خير ما يروح ويجيك بالفله يطيش لا صفقوا والتصافير واللي على دربه يشله غنام مسعود القريني - نعام طبيعه ترى فيها الخطر وافهموا يا ناس وعلى شلة التفحيط لابد ننهيها مواقع تبي فطنه ولازم بها حراس وترى من يشجع ساسها هو يغذيها ريان محمد الخنيفر - الرياض ياليت ذا الجمع في الطابور تجنيد.. ولا فروسيه ولا على الهجن فوق الكور ولا بمعهد وحرفيه عبدالرحمن بن مدلول البداح - رغبة يا بايعن عمرك ترى العمر قصير استغل وقتك مادام أنك توك شباب مابعد الموت غير تحديد المصير وعقبها ما ينفعك أحباب وأصحاب منصور عبدالله الرحيمي - بريدة يا مفحط لا تفحط ما وراه إلا الماسي كم مفحط راح عمره وأبتلا ناسٍ بريه ويا جماهيراً تشجع.. يا شباب أهلي وناسي لا تجو قرب المفحط.. لا تصيرون الضحيه أحمد نايف العصيمي - الرياض ياللي تفحط مادريت إن المفحط منتحر لا صرت معوق لوبكيت ماينفع لو دمٍ حمر محمد صالح الأطرش - رياض الخبراء يالضعيّف انتبه لا تنقلب محداً بنافعك حتى اللي وراك لو تصدم ثم تطلبهم طلب خلوك في موترك لو الموت جاك بدر محمد الجبهان القحطاني – الرياض حذراك ياولد من التفحيط روحك على الموت ليش بايعها جمهورٍ شجعك خبل ولايحيط ما ترحم أمٍ موتك بالحيل يفجعها عبدالله سعد السبيهين - شقراء خاف الله لا تجيكم بليه هذا هو رمي الأنفس بالهلاك أركد وخل حياتك هنيه لاتاخذ أرواح العالم معاك آلاء رحيّم - الرياض ياللي على بالك جمعت الناس أحذر ترى تمشي طريق الخساره ياللي بلا ضمير ومن دون إحساس وش ينفعك لو ذقت طعم المراره بدر محمد الشمري – الرياض ضيعة حلال مع ترخص بالاعمار ما هيب والله من طروق الشجاعه واشره على الجمهور بالعقل ما شار شجّع شبابٍ في دروب الضياعه عبدالله بن فهد الدوسري - الرياض يا راكبٍ موتر التفحيط والجماهير يحيونه وقف قبل حولك تحيط والباب دونك يلدونه حسين خالد الشدي - الدلم نستقبل مشاركاتكم الشعرية على الفاكس 4871070 أو الايميل الخاص بصفحة الخزامى: [email protected] زاوية (صوت الصورة) ونرحب بالصور الهادفة والطريفة.. ويا هلا
