أشوف رجالٍ وقاره مع الشيب ولا منعه الكبر من صنعة اليد كسب الفتى من صنعته ما بها عيب العيب والله في الكسل والتمدد سليمان عبدالعزيز السنيدي - الرياض يا ناس ما اروع مهرجان الثقافة وتراثنا اللي باقي اليوم موجود رغم التقدم وابتعاد المسافه باقي لماضينا حكايات وشهود سعد محمد الدماعين - البديع الشمالي تسلم سواعدهم على الشغل تاكين في حرفته والفن يقضي نهاره له جلسةٍ من بين صف الدكاكين من حوله العده.. وكومة نشاره سعد الحماد - روضة سدير يا عود مشتاق لوقت النجاره يوم الخشب عادي ولا فيه توريد شغل النجاره راح وقت الحضاره كل الحرف جاء له تطور وتجديد عبدالرحمن بن منصور التركي - البكيرية ينجر خشب شكله يبي يسوي صحاف من الاثل يعمل زخاريف وصحون موروث عود للجماهير ينشاف يدرون ان ابن البلد عنده فنون سعود بن عبدالعزيز الهزاع - نعام يا حي منهو عاد للمجد دوره في وسط محفل كل عامٍ نجي له شايب يشرف بالجنادريه حضوره يحيي تراثٍ ما ندور بديله خالد بن ناصر المخيمر - روضة سدير يا ما حلا حرفة الجدان صارت لنا فن واتراثي لازم يشوفونها الشبان وتصير بذهانهم صافي عبدالكريم عبدالرحمن السلوم - القرائن صورةٍ بانت على صفحة خزامي والمصور شايفن فيها العجايب شايبٍ جالس ولا فيها كلامي شغلته يا ناس ما فيها معايب غازي بن قاعد العتيبي - الدوادمي حرفه قديمه من على وقت الاجداد نجّار ويمارس فنون الصناعه شغّل يدينه والقدم حوله بداد يم الثمامه موقع اجمل بضاعه حمد عبدالله الوايلي - حوطة سدير نشوف تراثنا في كل عامٍ دايمٍ في زود يذكرنا عصوراً ماضيه ما حدن بناسيها بجهود رجال قاموا به هل الطيبات واهل الجود تطور في تطور والنشاما دوم تبنيها محمد بن عبدالعزيز الخنيفر - أشيقر يا زين هاك الوقت.. لو ما وجد مال يوم كل يصنع اللي يريده لا فيه هندية.. ولا فيه بنقال الجار هو والجار.. كنه عضيده لطيفة محمد العبدالرحمن التراث يزيد والعالم تزيد والجنادريه فاتحه أبوابها من تراث أجدادنا نلقى المزيد وكل عام كم تحسب حسابها ريان محمد الخنيفر - الرياض صورة العدد الماضي نستقبل مشاركاتكم الشعرية على الفاكس (4871070) أو الايميل الخاص بصفحة الخزامى: [email protected] زاوية (صوت الصورة) ونرحب بالصور الهادفة والطريفة.. ويا هلا
