يا ناس يكفي من الاهمال اوليدكم لا تخلونه شوف البراءه مع الاطفال حتى الجمر ما يعرفونه عبدالكريم عبدالرحمن السلوم - القرائن ياللي تنوش النار لا تقرب النار خل اللحم للي يعرفه ويشويه راع النعول اللي على خلفك يسار جعل الولي رب الملا لك يخليه عبدالله بن عاتق الغرابي - رياض الخبراء شوفوا البنت الصغيره وش تسوي ماسكه (ملقاط) وبحيره تديره ودها (تشوي) على ناراً تكوي عمرها توه وشرهتها كبيره مساعد العفار عن الجمر والنار يا طفل حذراك قربك خطر لو الهدف لقط صوره خل الشوي للي معه فهم وإدراك ما دمت ما تفهم تزيد الخطوره فهد بن عقيل الطويان - بريدة صورة الطفله عجيبه واعجبتني نشكر اللي جابها واللي نشرها جيتها تسوي غدها واعزمتني ورحبت بالضيف وأبوها شكرها زبن مقبل العنزي الطفل لامنه تعود على شي يضرب مضاريب الخطر لو نظرها الكهربا .. والنار .. والغاز .. والمي ما يدرك الغالي عواقب خطرها سعاد الحماد - روضة سدير يا صغير ياللي شبيت النار والعشى لابوك جهزته المرجله يوحوفها كبار وصغار شويك على صغر سنك أنجزته نايف بن راجح المقاطي - الرياض الطفل حول الجمر والنار حرّاقه ما يدري ان الجمر ما هو كما التمره ضناك لو تفقده يا مصعب افراقه شلّه عن الشوي.. والملقاط.. والجمره علي بن معاضة - الرياض طفله صغيره عمرها عدة شهور تبي تعرف الشوي كيف تشوي تمسك لها الملقاط والجمر منثور ما خافت من الذيب لو كان يعوي خالد بن ناصر المخيمر - روضة سدير يا صغير السن بدري على الشقا بدري نزّل الملقاط حذاري تلسعك الجمره صحيح توك غرير عن الدنيا ما تدري لكن يا ويلك من لوعاتها بكره محمد سعد القحطاني - الرياض بشاطي البحر حط المناصب المشويه على الفحم يشوي كبابٍ مع أوصال والبنت بالملقاط كنها تسويه جلسة بحر ومزينه لعب الاطفال سعود بن عبدالعزيز الهزاع - نعام يا رب رحمتك بالطفله ما تحترق مع دجاجتها هبّت وأهلها على غفله فن الطبخ صار غايتها علي الزولاني - فيفا وش علمهم خلوا لحمهم على النار يبون انا اشويه او عايفينه خل نتعلم وان حرق ما علي كار عشاي في رضاعتي ضامنينه عبدالعزيز علي الصالح يا صغير احذر من النيران أبعد ترى البعد مطلوبي من كلفك قلت انا غلطان وما قدر الرب مكتوبي ريان محمد الخنيفر - الرياض قلبي مع اللي جالسٍ لحاله معه الملقاط ويقلب جمر الشوي بالليل سارحٍ ونفسه مرتاحه ينتظر لحم العشاء متى يستوي أروى العويس - الرياض صورة العدد الماضي نستقبل مشاركاتكم الشعرية على الفاكس (4871070) أو الايميل الخاص صفحة الخزامى: [email protected]. زاوية (صوت الصورة) ونرحب بالصور الهادفة والطريفة.. ويا هلا.
