الأسبوع الماضي كان لغز الأسبوع من طرح الشاعر فهد عقيل الطويان والذي يقول: يا ويش رجل للطبيعة مخالف كبير يبدأ ثم يرجع صغيري ثم يختفي ذكره يجي بالسوالف بلسان من عاش وكسب فيه خيري وقد توصل للحل شعراً.. يابو عقيل اللغز جيد وكايف ما يعرفه يا كود رجل خبيري أبر معه يا هل القلوب الولايف الحزن حله كان صح تعبيري - سعود جازي الحربي، الرياض انتم هل الألغاز حاضر وسالف اسمك نشوفه بالصحيفة كثيري (الحزن) حل اللغز مانيب حالف واللي صبر يجزى بفضل وخيري - علي رشيد الرشيد، رياض الخبراء الدين معروف في حاضر وسالف راقب حياتك في مبات ومسيري وأنا عرفت اللغز ولا نيب حالف الحزن حله خافي بالضميري - عبدالمحسن بن محمد المحيسن، رياض الخبراء يا مرحبا بك عندما طاف طايف عساك ما تحزن وخيرك كثيري عساك ما تحزن بزين الوصايف ما قدر المولى علينا يصيري - محمد أبو دحيم، البدائع حييت ياللي للصحيفه موالف صفحه عزيزه وانت قدرك كبيري يا ليت لغزك دايم الدوم ذالف حزن مع العالم غني وفقيري - عبدالله الأطرش، الرس أنا لحل اللغز دايم موالف واللغز هذا في نظيري كبيري يجيك حله خط عبر الصحايف (الحزن) ماظني يبشر خيري - فالح غازي الحربي، رياض الخبراء لغز الأسبوع كتبه للصفحة الشاعر باني فايز السبيعي ويقول: انشدك عن عود حيي بعد مامات عود مخضرم كان بالجاهلية واليوم في عصر الرخاء عاد باثبات اثبت وجوده واستحق الهويه وله بنت باسمه تستحق الاشادات قبل رجوعه كانت البنت حيه
