الله على الشاص وحموله الله على شبة النيران لا صار للبرد بك صوله يا ما حلا شوفة الضيفان محمد بن فهد الجلعود - سميراء جانا الشتا بالبرد عجلٍ ولا أبطى وراعى الخزامى صوّر الحل تصوير شاصٍ قديم محملينه بالأرطى معروض للي يرخصون الدنانير صالح بن عبدالله الجلعود ودي اشب النار مير الحطب وين سمناه وعيّا صاحبه لا يبيعه عليه سوم ألفين .. وزدنا له ألفين سمر الغضى يا حسين ما أزين وليعه سعود شجعان المقاطي - الرياض أشر الحطب واشعل النيران وفي الجال ركد معاميلك وليا استوت حبة الخولاني قدّم نظيفك محاصيلك عبدالله العبودي - عشيرة سدير هات الحطب يا مسندي واشعل النار الجو بارد والليالي طويله احذر يروح الشاص تكفى ونحتار وبعده ندوّر ما نلاقي مثيله سلطان بن حمد الحبابي - الطائف اسمع يا راع الجيب ما شفت موترك في نفسك أمخاطر ومن معك خاواك من شوفتي للحمل أبقول وأخبرك أن الابادة للشجر من سواياك محمد بن صالح الأطرش - رياض الخبراء حملك حطب وأبيض غضى ناوي السوق أنا زبونه ريِّح النفس والحبيب النار عِز وشبَّة النار له ذوق واللي طفت ضوِّه قريبٍ من العيب فهد بن عقيل الطويان البرد قرّب والحطب احتما سوقه والجيب قديم ومحملٍ دون ترتيب وراعيه قام يرجد من الحطب فوقه ساقه الطمع ولا عاد يرحم الحبيب محمد الجروي القحطاني هب البراد ودنو الشاص .. والفاس كود الحطب والنار يجلي خطرها موتر قديمٍ لا بدا الطعس ينحاس مغامره ياخوك وربي سترها سعد الحماد - روضة سدير سلّم على اللي يشب النَّار ما شب باثلن ولاكينه شبو به السَّمر للخطَّار والكيف توه أمسوَّنيه عبدالكريم عبدالرحمن السلوم يا شايل السمر وين موديه ترانا ودنا نشريه لو بالغالي وبعض الناس ما هو بشاريه لا عنده عزيمه .. ولا معه مالي سلمان عبدالعزيز المعيلي البرد قرب والحطب صار موجود والشاصي المسكين وقّف وشاله مير البلا سعره بدا يطري الزود وايضا يبي تكسير وباقي عياله علي رشيد الرشيد يا مخالف القانون في قطع الأشجار حدَّك قبل عكف الشوارب يجونك مصادر حطبك مع الغرامه والإحضار وإن كان كررت العمل يسجنونك مشاري بن خالد الدعجاني - شقراء جانا الشتا والحطب مجلوب ولازم رقابه على أسعاره هو منوة اليوم والمطلوب وكلٍ يبا يشعل بناره محمد بن عبدالعزيز الخنيفر عزتي للجيب من زود الحموله حملّه راعيه حمل فوق طوقه والحطب ثروه وخذ رخصة نقوله والخضر ممنوع لا تقطع عروقه مبارك محمد الصغاوين - وادي الدواسر شاصي عليه من الحطب طول مترين واقف بوسط السوق للي يسومه الصيف قفّى وشافوه بالعين الله يجيب الغيث ويملى حزومه خالد بن ناصر المخيمر صورة العدد الماضي أربط حطبك فوق جيبك وشيله ووجه لديرةٍ ما بها ناس ورماس وأشعل فتيل النار .. أشعل فتيله وصف الدلال وخلها جنب محماس رائد ناجي الحارثي - الرياض شفت المحطة وشفت الجيب مرصوص الأرطى بصندوقه مجلوب لأهل الكرم والطيب وبيوت ما هيب مغلوقة سعد بن عبدالعزيز الفهد نرحب بمشاركتكم الشعرية حتى مساء الاثنين علي الهاتف رقم 4871070 أو الإيميل الخاص بصفحة الخزامى: [email protected] زاوية: (صوت الصورة).. ويا هلا
