لا حان وقت الفرض بالحال صله والواجب المفروض لازم تجيبه إمسك خطام القايده لا تتله عسف الرحول اليوم واجد صعيبه عبدالرحمن بن منصور التركي أمسك رسنها لا تترك وتنحاش وأنته على سجدتك والقيض حاديك ما يوصل الجوال ولا حولك أدباش إلا ولي العرش من الدرك ينجيك سعود شجعان بن سعود - الرياض خايف عليها تنطلق فالصحاري ومن عقبها يبلش بكثر المداوير ليته عقلها دامها بالبراي وصلى صلاته دون شك وتفاكير خليف الحربي - الرياض رسن ذلولك جودة لا تخليك في صحصح قفر من الناس خالي واطلب معونة رب الأرباب واليك الخالق الرازق عزيز الجلالي فهد بن عقيل الطويان - بريدة رعى الهجن اللي ماسك برسنها مدري حققت الفوز وإلا بعد لكن أجمل لحظات الإنسان وأحسنها لا ركع لرب البريه وإلا سجد محمد سعد القحطاني - الرياض يخشى تهج المطيه زمامها بيده معه فراسه وهو بالفرض جربها أدع بسجودك يقرب دار بعيده من فوق ظامر لقطع البيد دربها سعود بن عبدالعزيز الهزاع - نعام يالله تقبل صلاة المصلي يا واحداً كل البشر يرتجونه أحفظ له الناقه وضلله الضلي اللي على الصحراء تشيل وتعونه فارس فاضل الطوحي فوق الرمال الحاره رجل ساجد يسأل من المولى ينّور حياته وبعضنا ساكن بقرب المساجد وللأسف ما يلتزم في صلاته صالح علي المرفدي - القطيف هذا سجود الشكر لله وحده الخالق المعبود رب السموات الرجل ساجد والإبل ما ترده عن طاعة الرحمن في كل الأوقات عمر حسين المرفدي طرقي مع الطرقه يصلي صلاته ورسن المطيه ما سكه في يمينه لو هو عقلها واقفه في فلاته أضمن وعند اللي خلقنا ضمينه حمد عبدالله الوايلي حييت يازول تمسك بدينه وسط البراري يطلب اللي عبدناه يا ماسكٍ خطام الركبي في يمينه ويصلي صلاةٍ بالخلاء يتقرب لمولاه خالد بن ناصر المخيمر هي سجدةٍ لله ولا تصلي ولا فرحت بفوزها يوم فازت أطلق رسنها من ذراعك تفلي مادامها فازت على الهجن حازت زياد شجعان المقاطي - الرياض يا ما حلا طاعة الرحمن وان صرت في هالخلا الخالي الله كتبها على الإنسان أعظم شعيره بها أنغالي عبدالكريم عبدالرحمن السلوم في طاعة الله صلاتك لا تخليها كل ما وجب فرض صله يابن الاجوادي فيها سعة رزق وكل مسلم يؤديها يالعبد لا تتركه والخير يزدادي محمد بن عبدالعزيز الخنيفر إنْ كَانْ لِكْ شَفٍّ بْقَطْعَ الْحْزُومِ فِارْكَبْ يَا ابِنْ هَدّالْ حِرْش الْعَرَاقِيْبْ وِانْ جَتْ صَلاَةَ الْعَصْرَ خَلِّكْ عُزُومِي كَبْرْ وْصَلّْ لْعَالِمِ السِّرّْ وَالْغَيْبْ صالح بن عبدالله الجلعود نرحب بمشاركاتكم الشعرية على الفاكس رقم 4871070 أو الإيميل الخاص بصفحة الخزامى: [email protected] زاوية: (صوت الصورة) .. ويا هلا
