سلامتك يا من له الناس يرجون رجوى المطر لاهل فوق الزباره الحمد لله والشفاء صار مضمون حظ الوطن مادام قايم جداره الشر غادر والدكاتر يولون والله عظيم الشان صحح مساره عافاه رب البيت والشعب يدعون اللي من الظلماء يجلي نهاره حنا نترجا وصلته حين ياتون قادم على الرحلة هبط في مطاره يامرحباً مليون وأهلين مليون ترحيب يكتب فوق مبنى الوزاره حنا نرحب والخلايق يهلون في كل بلدة واقفين انتظاره لا جيتنا مرتاح طيب وممنون تاج السلامة فوق راسك اشاره استبشرن يالريم من حيث ترعون بقدوم أبوخالد لموطن دياره سلطان حبك داخل القلب مكنون واسمك دليل ونعرفه بالإشاره له قلب ما ينهز لو هزهز الكون ولي عهداً للمليك استخاره حمله ثقيل وطاقة الجسم موزون الروح يتعب لا تعدا عياره اتعبت نفسك بالعمل ما تونون لاجل الوطن واهله تدوم الحضاره انتم هل التوحيد بقلوب وعيون وانتم صقور المملكة والصداره وانتم أمان الطارفة بسيف مسنون في نحر من يطمع وطنا تجاره ملوكنا ماكن والله يغلطون إلا إذا غلطان طامع بجاره ممنوع قف انذار وقف على الهون ابرز لنا الرخصة معا الاستماره هنا الوطن والدين محمي ومصيون في حكم دولة كلفت بانتشاره حكامنا دايم على الحق يمشون بالعدل والمسجد رفيع المناره صعباً يزعزع امنها كل مجنون السيف قدامه يقطع فقاره يا كاظمين الغيظ مهما تقولون المملكة في امن ضافي ستاره ول يآبليس وتابع بليس ملعون يسكنك في داره وتحرقك ناره صلاة ربي مالاوادم يصلون على النبي ما جاء لبيته وزاره
