البيت طين والمواتر لواري وحنا قديم الوقت بالحيل نغليه نلعب بعرض السوق وسط الحواري والهم غايبنا إليا حل طاريه سعد الحماد - روضة سدير وقت مضى والدوج ملفت للأنظار وجاه التطور وأخلفه عن مباديه من عقب ماينهم ليا جات الأسفار أصبح قديم ولا حدن صار يشريه ماجد عبدالله المحياني - الخرج فورداً قديم وصاحبه وافياً فيه حطه وسط بيته سوا مع عياله جاب الزوالي والمطارح يدفيه يستاهل التكريم ياما جرى له عبدالكريم النغيمشي - الربيعية الله أكبر من عقب هاك المشي وسط الصحاري أنتهيت وراحت عزومي عقب ماهي قويه وانتهى المشوار في المتحف ولاهو باختياي واقف ما غير ذكرى للعصور الأوليه عبدالعزيز بن عبدالله البواردي - شقراء يالفورت راح وقتك وأقفت لياليك من عقب منته للمسافات طاوي من عقب ما كانت بالفيافي حراويك امسى مباتك بين الأطلال ثاوي فليّح بن حسين الفهيدي - قصيباء الفورد واسمه فرت في نطقنا العام ما نقول هنري فورد بسم المصمم ونحط فوقه شيل ما نقول ينظام وعندي مثل نوعه مواتر والمم جلعود لافي الشمري - حائل الهاف أظنه مصنعن عام ستين بمصندقه ينقل بهايم وركاب ومعلق قربه وعفش ومواعين والمعاوني في الحوض رجله على الباب سعود بن عبدالعزيز الهزاع - نعام ياما حلا اللوري ومنظره البديع مع البيوت اللي عفا عنها الزمان أقفى زمانه باقين صيته يذيع يروي تراث أجدادنا وشاهد عيان صالح عبدالعزيز السويح - روضة سدير البيت والبير واللوري وما شال بالجنب تذكاري يا عمير قم علّق البوري بعد العفش واطلب الباري سعود عائش الحربي امنول للهاف صوله وجوله يمشي مشاويراً عسيرات وأكثار ولا موديل الهاف ثم راح زوله أصبح رهين بالمتاحف وتذكار عبدالمحسن بن محمد المحيسن - رياض الخبراء للوري قديمه من على عصر الاجداد هذا أسمها في نجد يوم عرفوها مشكور يا محافض على تراث الامجاد والشكر للي صوروا ونشروها عبدالله بن دواس - ساجر أحمر اللون لوحاته خضر لوري مبطي زمانه من قديم معتبينه للسفر بدو وحضر واركنوه الحين ما منه عديم حمد عبدالله الوايلي - حوطة سدير ذكرتني يالفرت بوقت الصبايا يا الاربع وستين وين العزيزين اللي تحمل فوق حمر الحنايا شدوا من الملحا بغويم رمحين سعود بن شجعان المقاطي - الرياض موتر قديم يأخذ العقل شوفه يعيدنا للماضي اللي نسيناه راعيه كمّل يا جماعه وصوفه بتراثنا اللي راح ماكن عشناه خالد بن ناصر المخيمر - روضة سدير يابكر هذا النوع يا بكر أحبه والطيبن أحبهم لو بعيدي النوع فرد وفي مريكا مصبه مصبوب شاصه من صليب الحديدي بدر بن خلف الحزيمي الموتر الواقف قديم مظله شايل حمول فوق ظهره قديمه والبشت المعلق ذاما هو محله الهاف بطران قوي العزيمه عبدالرحمن بن منصور التركي- البكيرية اليوم صورة خزامى تراث بيتاً قديماً وسياره أتراث يبقى لنا ميراث السوق والبيت والحاره زبن مقبل العنزي - بريدة لوري قديم وكله آثار مليان فيه المقارص والحجاري على الجنب هذا زمان فات من غالي الازمان هذي هي الذكرى لها الكل يطرب محمد بن عبدالعزيز الخنيفر - اشيقر الهاف مبطي مضى دوره ولا يلحق كل ما فاتي ما يشاف ياكود بالصوره من عقب نقل الباهواتي منور بن عزاب بن طلق - تبوك اللي يشوف البشت ماهوب خافيه المرجله معها الكرم ذايع الصيت مرحوم ياللي ما بقى غير ماضيه الدار فيها الفرت في ساحة البيت سلمان ابراهيم السلمان - الصفرات أبيوت طين وموترن شوفه شوق والشوق للماضي صراحه حقيقه ونيت واقف والصناديق من فوق أمعلقن بشته وعزبة طريقه معتاد بن عويش السلمي - الرياض يازين شكل الفرت اتراثي أمعلق بالجنب بشت ومواعين اليوم وقته راح وخرث اخراثي يازين شكله لا مش به وراعين عبدالله الرفيعي - البكيرية نرحب بمشاركاتكم الشعرية حتى مساء الاثنين على الفاكس رقم 4871070او الايميل الخاص بصفحة الخزامى: [email protected] زاوية (صوت الصورة).. وياه
