قضى حياته في فاقة وعوز شديدين وألم وحزن ولهذا جاء شعره ممزوجاً بالحزن والآن في زمن الحب.. الشاعر محمد الفوزان من الشعراء المبدعين الذي ظلت قصائده ذات صدا مميزا في شبه الجزيرة العربية، له العديد من القصائد العذبة والجميلة خصوصاً مع رفيق دربه الشاعر عبدالله الفراج. يقول في إحدى قصائده في النصح: أصبر على ما جاك من وقتك اللاش واستو على الشدات راعي عزايم وأخف الضرر لياك تبديه للواش يشغاك عند الناس قاعد وقايم واللي يتيه بقوته في الندم داش والا الوقاعة ماوراها ندايم والمرجلة لو هي على الهون تنحاش حاشوا لها حق العفون الخمايم ويقول: أياك لا تدعي أقصى وفتاش على عيوب الناس وبك النهايم ومن الردى لو تكسب الدر وأقماش اترك محاشاته وكن عنه شايم وأرع الصديق اللي الى صابت أدهاش خوف لقيته من مصايبك مسايم والا العدو لو سالك ساعة هاش عليك ما يبرح يدور الولايم وأعرف ترا رجل بلا ماك ماتاش غايات مطلوبة وما كان رايم يلعب به الهوجاس وان قاس ماقاس هاو ببحر ما لحده علايم وصحبات بعض الناس لوجات ببلاش ماتنبغا لاخير فيها ندايم بالك يغرونك تراهم على ماش ما يفهمون العلم مثل البهايم وأقول من يصبر على الضيم لاعاش كذب الذي تقضي حيلته هضايم وشاعرنا أبدع في الغزل وقال القصيدة العاطفية العذبة الممزوجة بالخيال الأخاذ يقول في إحدى قصائده الغزلية: والكبد من حر الهوى ذابها الفوح عيا يطفي حرها بارد الماي من عقب ما همي عدم البال مذبوح غديت يالخلان بلش ببلواي أقول عندي للهوى متن وأشروح لولا حكايا الناس حليت شكواي على غزال هايف القد مملوح خطاف لعقول العشاشيق سباي غرو مشقيني على غير مصلوح ان جيت في ماواه ماجا بماواي بالزين ممدوح ولاهوب ممدوح بالوصل وعاد ولاهوب وفاي وان ردت منه الوصل قال لي روح عليك ياما كود قربي ولاماي ياطول ماني بالوصل منه ممنوح واليوم بادي بالقطيعة وفرقاي وان راد مني الحل ماهو مبيوح بلقا الذي بالشين سواه واياي وشاعرنا له مع رفيق دربه الشاعر عبدالله الفراج العديد من المساجلات الشعرية نورد هنا بعضاً منها: لو السبيل ولذعته قردع الجاش خطر يتيه العقل على شد ما فيه غيري الى جا الليل يرقد على فراش وانا علي كالشوك والنوم ماجيه من ذا الزمان اللي مسوي بنا لاش تجري علينا كل يوم بلاويه بعض الحوادث تبلش الخاطر بلاش يحتار في تسنيعها الرأي ويتيه ان شفتني جدام بعض العرب بلش اللي مبكيني عن الناس كاميه الى ان يقول: بالك ترابع كل واحد قط ماناض نفسه وأطوله للعلا ما تمنيه اسمع جواب كاليواقيت واقماش ملفاه من يبخص خواف معانيه بن فرج كساب الأمثال ببلاش سهل عليه يدعيه ويجيه ماهوب مثلي عنه الامثال تنحاش لو كان يبغيها فلاهي بتبغيه عساه يتحفني برد به انعاش للقلب كود انه برده يداويه وقد رد عليه الشاعر ابن فراج بهذه القصيدة: شعر النبط من ساق نظمه الجاش ماهوب طرب له ولاهوب هاويه لوفاه يسجع به كما حمر الطاش من جاد بعروضه وحكم قوافيه ماحركت منه البدايع لي أرياش لو رقت الفاظه ودقت معانيه من يعتني به عقبما بيع ببلاش واضحا كما العنقا بد الجيل شاريه لولا جوابك يامحمد فلاجاش بالرد لي جاش وهم مفاجيه حسبك عقول ما علقهن الا خراش الا من أسباب الدهر مع بلاويه الى ان يقول: هذا وبصروف المقادير ماجاش الا وسابقه القضاء بأمر واليه وأسلم رخيص لاشفت الا حراش من كل لوم ما دعاه الله داعيه وأطلب عسى يهيا لنا اليوم مطراش ويحوشنا واياك طيب اللقا فيه
