الأسبوع الماضي كان بيت الأسبوع من طرح الشاعر - سعود عائش الحربي من مدينة جدة حول موضوع اخطار السيول: السيل ريف وفيه مكر وخطوره وفي ظرف لحظه يقلب افراحك اتراح وقد كان الصدى من الشعراء أقل من المتوقع وقد يعود ذلك لتعطل الايميل الخاص بالصفحة الاسبوع الماضي.. خزامى الصحاري معجبن في سطوره الطرح هادف للتكافل والإصلاح والسيل اخطرمن سواحل بحوره حذرا توهق لا تقول انت سباح ومن لاخذا في رأي بعض المشوره لا تنقذوته لاسمعتوا له صياح مقبل حامد الشمري حفر الباطن السيل يجرف ما لقى في حدوره ياكم وكم راحت من اسبابه ارواح لاتقربه ما هو بسهل عبوره ابعد عنه وتنام يا رجل مرتاح خذ الكلام الصح والعلم شوره هاذي نصيحة وافهم العلم يا صاح سلطان حمد الحبابي - الطائف ولا تنحر الوديان ما هو ضروره خلك بعيد وافهم العلم ياصاح والسيل لا من جاء حذراي عبوره لا تفتخر وتقول ماهر وسباح يافاهمين الشور هذي المشوره وافهم طريقك قبل تنوي بمرواح محمد بن عبدالعزيز الخنيفر - أشيقر يارايح للسيل ومعك البزوره لا تنخدع لو قيل لك صرت سباح وابعد عن بطون الشعاب وعبوره يداهمك بحرٍ هاج من ماطر طاح وحذرى دراكيل بغدير محفوره عقب الغرق ما ينفعك هم وصياح سعود بن عبدالعزيز الهزاع - نعام منه احترس تفجاك لحظة حذوره ما مر في دربه يشيله ويجتاح واديه مع مجراه دوم محذوره لا قوة تنفع ولا عرف سباح يللّي طلبت النصءح راي ومشوره في مجلسك عما وطا السيل تنزاح فهد بن عقيل الطويان بريدة بيت الصدى شفناه مقرئ وصوره صفحة اخزامى دايم افراح يافراح السيل كله خير ما من خطوره الاعلى اللي يجهل السيل لا طاح خلك نبيه البرق ينشاف نوره وابعد عن الاخطار وتنام مرتاح محمد ابودحيم البدائع بعض الأماكن تجتنب ومحذوره إلى وصلت لحدّها منت مرتاح كل بوقت الجد يعرف اموره والصوت ما ينفع للانسان لو صاح ابعد عن الخطرات واحذر شروره حتى تعيش ابعز وتشوف الافراح علي رشيد الرشيد رياض الخبراء بيت الأسبوع تجاوباً مع مقترح الأخ بدر خلف الحزيمي حول موضوع بقاء الأسعار في غلائها وخاصة المواد التموينية وعدم التجاوب مع قرارات مجلس الوزراء حول تخفيض الأسعار، وقد بعث الشاعر فهد عقيل الطويان من بريدة هذا البيت: ياهل الطمع هو وين تخفيض الأسعار ما فادكم دعم السعر والموانئ نستقبل صدى البيت بثلاثة أبيات فقط حول موضوع بقاء الأسعار كما هي وذلك على الفاكس 4871070أو الايميل: [email protected] موضوع مقترح لبيت الأسبوع القادم بعث للصفحة الشاعر مبارك محمد الضعاوين مقترح لموضوع بيت الأسبوع القادم وهو ظاهرة المسابقات الشعرية والأهداف المادية عبر القنوات الفضائية.
