أكذب أوهامي

تعبت اضم جرحك وانزف ايامي على ذكراك
تعبت اشكي غلاك ولوعتك يا جرحي الدامي
انا لا من نسيتك فلي اللي هام فيك اطراك
واسافر عن خيالك للشقاء والقاه قدامي
أنا يا أول سنيني كل همي في الحياة ارضاك
وأنا ياما على نيران صدك ماتت أحلامي
حبيبي كان جرح البرد عذب خافك وابكاك
أنا اللي في دروب الثلج تاهت خطوة اقدامي
يقوله واحد ياما على سمر الضلوع أدفاك
سقاك آخر فناجيل الحياة ومات لك ظامي
حبيبي كان داعي الصد وبوعود الحنان اغراك
انا يا ماسقيتك من حناني يا أكبر آلامي
وانا ياما تجاوزت الجروح ولوعتي واخطاك
وأنا اللي سبحت التحنان تشكي سطوة ابهامي
وداعتك الخفوق اللي كسر قيد الضلوع وجاك
وأنا بعيش فيك الحلم كله يا أكذب اوهامي
عبدالله أبو جدعة السهلي