كتب بيت الأسبوع الماضي للصفحة الشاعر: حمد عبدالله الوايلي من حوطة سدير والذي يقول: دنيا تقلب على وجهين وتذوق منها الكدر مره وكان صدى البيت من الشعراء : مادامت لهل بدر وحنين هم خير الاجيال بالمره نلعب بها بالرخا لاهين مسرور ونوب فلا تسره وان نمت ليلك قدر ثلثين قم ناج ربك وطيع امره صالح البشري - الفويلق اقول يامال فرقا العين ياشاعر سدير مفتره دنيا تقَلّب على خفين خف ٍ به الشر وتذره بعيون ناس ٍ بها ممسين وخف ٍ به جموع مستره مشعل بن صنت العصيمي - الخرج البعض يلعب على الحبلين إن شافك بخير ما سرّه وإذا بغيته يلد العين الله يكفينا من شرّه إبراهيم-الجبيل الصناعيّه حياتَنا يا حمد يومين مَرَّن على الحي لو مرَّه يومٍ يِسر الفكر والعين ويومٍ كِفاك الوِلي شره ونقول ياربنا يامعين للي صبَر وافْتَهم درَّه سعود عائش الحربي- جده دنياك هذي على نوعين شهدي ومرات كالمُره لا تسلم اقصى ولا الادنيين تاجيك والله على غرَّه ياما أضحكت ثم بكّت عين تمشي ورى الرجل وتضُره لكنّ لا تقنط وقل يامعين والله جعل عُسره ويُسره محمد عبدالله الشهري-جبل اثرب إن أقبلت شفت منها الزين والنفس بالحيل منسرة وإن أدبرت ياعذاب العين أثر المخاليق منغره علي الرشيد - رياض الخبرا طبع لها والزمن سكين ومن زان له وقت ماسره ويفوز بالاجر راع الدين وبعض البشر ماتقل مره صالح المرشود - الرياض دنياك تشوف منها البين يالله ياكافي ن شره الزين يقفاه شي شين والجيش كره ورى كره والصبر في كل شى ن زين لو الصبر كاوي ن حره عبدالله زبن الشمري - حفر الباطن لاتامن الوقت يامسكين الوقت ما ينومن شره من عصر آدم ليابعدين لابد مايجرّعك مره على برجس الجعفري - الرياض الوقت ماعمره ارضى ثنين محالته دوم مفتره يالله ياوالي الثقلين تفكنا دوم من شره نواف هايف الجبرين - الرياض بيت الاسبوع للشاعر غانم الجحفل بن رمال ويقول : خل صدرك على الدنيا واهلها شمالي طبع الايام محد سالم من عناها نستقبل صدى هذا البيت خلال أربعة أيام من نشر البيت على إيميل الصفحة: [email protected]
