يالله يا والي جميع المقادير ياواحدٍ ماله شبيهٍ حليّه يالله ترجي غيث سحبٍ مزابير غيثٍ من المنشا غزيرٍ هِميّه يسقي ديارٍ عقب ما هي مداهير ينعش ثراها لا روى القاع مَيّه وتْعُود من بعد الشهابه مخاضير ويزين نسناس الفياض الغذيّه وتزين سجّات الرياض المزاهير ماكِنّك إلاّ تمشي بْمزْهريّه تلقى البراري كاملة بالتصاوير تلقى النفل وِيّا الخزامى سُوِيّا وتفتّحت وسط البطون النواوير والقاع بأعداد الزبيدي غنِيّه شعر - فيصل بن عبدالعزيز التويجري