ياروايع هاجسي والقلم فوق السطور فيه موضوعن وحبيت اقوله وأكتبه عن هنوفن ريحها العود فواح العطور قلب عاشقها تصيبه ومعها تجذبه جذب ضحضاح النشانيش مع جرد الدهور للعطيش الي فقد قربته مع مذهبه تبتسملي والرحا دونها قامت تدور والهوى من بيننا في سلوكه وارتبه ما سمعت اللي يهرجون بخلاف الظهور خطت سمعي عن صحيح المنافق واكذبه شخص عنده علم صايب وشخص شيخ زور لو ضحكلك بأبيض الناب خافيه اقلبه والفتاه اللي عليها نبا وعيون حور روح عاشقها فدى ماتبيه وتطلبه لو تربع فوق عرش التكبر والغرور تستحقه ما عليها عيوب وعذربه ذكرها بالقلب من يوم انا بين البزور مالها في نون عيني وزين ولاشبه بس عنها يقصر الحبل لومابي اقصور نوب يفلت من يديها ونوب تقضبه صابني من بعدها ضيق صدر وحر جور والمعنا حده الوقت والخير اعقبه مالها في ديرتي رسم واسم ابلا حضور ياحسافه صادق العلم وقته ينكبه في زمان حتى ابن عمك الأدنى يبور وأشهد الضيق يمشي بحكم معزبه وياعسى بيض الليالي ما تاليها دبور والسماء يجلا غمامه ويظهر كوكبه ويفرع الظلما ليا خيمت مصباح نور يختفي ليل سراسيد وايطيح احجبه خميس العازمي
