ذا منظر البستان والنفس ترتاح الأرض خضراء والنخل حوله طوال ظلٍ ظليل وباقي الهم ينزاح يا سعد منهو بين الاشجار يجتال ما أحلى عبير الزهر لا خيّم وفاح والناس في هالوقت طالع ونزّال علي الرشيد - رياض الخبراء انا اشهد اني شايفٍ منظر زين يوم الزراعه يوم روس الفلاحه الماي يجري بين خضر البساتين وسط النخيل اللي تسقى اتلاعه منظر جميل مزيّنه قرّت العين واللي تشوف العين يسعد صباحه خليف فهيد الحربي - الرياض السيل جانا والسعد في مجيّه بقدومه الفلاح بالحيل مسرور شفنا الحقول اليوم صارت مليّه ذي نعمةٍ من ربنا الخير ميسور تلقى العرب ما بين روحه وجيّه وشفنا البراري كنّها ورود وزهور وأرض الفخر بالخير صارت غنيّه في كل صوبٍ ياعسى الدار معمور محمد عبدالعزيز الخنيفر - أشيقر يا باسقات النخل منك الملايين في ديرةٍ ربي بخيره حباها النخله أم الخير..هي بهجة العين قمّة عطا للي زرعها ورعاها رفيقة الفلاح أوّل وهالحين فيها التناسق زاد روعة حلاها سعود عائش الحربي - جدة يا واحةٍ سالت على سيل الامطار فيها النخل مبطي وعمره عيادين جاه السحاب اللي مخيل بمدرار يا بنت يالمياء ترى صورتك وين صوره جميله مالها غير الأشعار يا معشر الشّعار نبغى الثمينين كم ذكرت ناسٍ على وقت الأخيار صالوا وجالوا في جميع الميادين كانوا اسود الأرض وافين الأشبار تاريخهم معروف دايم كريمين حمد عبدالله الوايلي - حوطة سدير منظر فريدٍ يعكس الخير وتنير لمياء عساها دايم الدوم براحه هل المطر وأستبشر الناس بالخير كلٍ فرح أرتاح راعي الفلاحه شرب الغرس زادت لنا جمّة البير والقلب زاد افراح زاد انشراحه يالله عسى برضاك ما فيه تكدير وتغني لنا الفلاح في كل ساحه خالد ناصر المخيمر - روضة سدير يا مرحبا بالسيل ألفٍ هلا به الكل بقدومه سعيدٍ وفرحان الدار شوفوها سعد مع رحابه افراح تلو افراح في زين الاوطان الحمد لله خيرنا اليوم جابه في جيّته كلٍ سعيدٍ وطربان ريان محمد الخنيفر هذي النخيل اللي لها القلب يشتاق فيها العطا .. والخير ظلٍ ظليله تباشروا بمزون والبرق برّاق هذا مُنى قلبي .. وهذا حصيله بشائر القحطاني - الرياض نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] ويا هلا.. صورة العدد (عدسة / محمد السويح) Your browser does not support the video tag.
