بديت بذكر خلاق العباد اللي لهم يرحم عظيم الشان علام السراير مجري الأنسامي يحفظ اللي غلاها وسط خفاقٍ بها مهتم لها بالفرقدين أعلى مقام ومنزلٍ سامي أنا بحماك ياللي تستجيب لدعوة المسلم تنجيها من اللي صابها وتحقق أحلامي ترى لو تطلب الروح العزيزة قلت يمه تم أعلقها على صدر الحبيبة تاج وُسامي ألا يالله تشفي سقمها وتزيل عنها الهم بجاهك يالحكيم اللي تداوي كل الأسقامي عسى ماصابها تكفير ومن آلامها تسلم تطيب من المرض وتقوم تمشي فوق الأقدامي إلى ناديت يمه ما تجاوبني وتتكلم كأن الكبد وسط الجوف فيها مخطر حامي عليها الدمع عيني تزعجه من فوق خدي دم وأراقب للنجوم السارية بالليل ما نامي أناجي في دجى الليل البهيم لواحدٍ يعلم إله الكون حيثه للخفا والغيب علامي ألا يا مجيب دعوات الغريق اللي جذبه اليم تروف بحالها يالمقتدر من كل الأوهامي أنا صابر على ماقدّر المولى وما يقسم ولو جارت صواديف الزمان وغدر الأيامي Your browser does not support the video tag.
