لغز الأسبوع الماضي للشاعر صالح المرشود من الرياض ويقول: ياويش رجال مقدر ومحشوم عند العرب واللي لغتهم رطينه خمس حروفه له قوانين وسلوم له عندنا ياراعي العرف عينه أول ثلاث حروفه أوجاع وهموم وآخر ثلاثة بارمته المكينه وقد تجاوزت رمعات اللغز السبعين رمعة ولم يصب الحل سوى: يامرحبا ترحيبة العين بالنوم بالشاعر اللي له معاني سمينه واللغز حله نفط واللغز مبروم بترول ياربي تطول سنينه أحمد بن ناصر المحرج - الرياض دوك الجواب اللي من الراس محكوم يا شاعر باللازمه خابرينه والحل بترول عسى خيره ي يدوم وأرسلت حلي للخزامى بحينه منصور شليويح العنزي - الرياض لغز الخزامى واضح اليوم مفهوم الجيل الأول واكبه خابرينه واللغز كايف بالمعاني ومحكوم والخير عم بلادنا عايشينه منابعه بأرض الوطن خير مقسوم الحل بترول وحلت سنينه عبدالمحسن محمد المحيسن - رياض الخبراء يامرحبا بك عد ما تطلع انجوم واعداد من يسلك طريق المدينه اللغز حله ما نبي نبعد الحوم بترول بالمصفات ومكررينه علي الرشيد - رياض الخبراء لاشك حل اللغز باين ومفهوم وساعة قرينا حروفها عارفينه هذا مكانه باطن الأرض معلوم في عام خمسين وواحد سنينه بترول ياربي تزيده على الدوم في ظل والدنا عسى الله يعينه حمد عبدالله الوايلي - حوطة سدير يامرحبا واللغز واضح ومفهوم بترول ياالمرشود راع السمينه ياصلك بعد أسبوع في وقت معلوم واشكر محررها وربي يعينه محمد بن عبدالرحمن أبو دحيم - البدائع لغز الأسبوع كتبه للصفحة الشاعر صلاح بن عبدالله اليابس من الدمام ويقول: ويش الذي دايم يجي بالبهاذيل له جيةٍ في تالي الليل وتحير يجيك بالسلام والقتل والويل ويروح باستغفار يا باغي الخير نستقبل الحلول على البريد الإلكتروني [email protected]
