كان بيت الأسبوع الماضي للشاعر رجا بن عادي بن رمال من الرياض حول الحذر والتنبيه من خطر إشعال الفحم داخل البيوت دون التهوية الجيدة والذي يقول: ترى الفحم قاتل وذباح بسكات ياما سرق من روح يالعارفيني وكان صدى البيت من الشعراء: لافض فوك وكل ماقلت بالذات نصيحة ن من قلب يالفاهميني تكتب في ماء الذهب والجنيهات ترو التكاتف ميزة الغانميني خذ الوقاية زين وتبقى سلامات ومالك عن المكتوب هذا اليقيني صالح محمد محارب البشري - الرياض ياللي تدفى بالفحم خل فتحات خل الهواء والتهويه جاهزيني عندي الفحم مكروه في كل حزات وانا ادري انه يسحب الاوكسجيني كم واحد من سبته راح بالذات سبة اهمال وسبة الجاهليني من لايحسب احسابه اليوم هيهات يروح فيها جعلكم سالميني كثر المخاطر صارت اليوم زفات جعل السلامه فالكم دايميني خليف فهيد الحربي - الرياض وقت الشتاء للنار حزه وشبات وَاخْذ الحذر مطلوب في كل حيني دام الفحم عارب بوسط المشبات درب السلامه زين يالغانميني التهّويه مطلب مع الحرص بالذات على صغار السن والكاهليني جمر الفحم يقتل وخدر جماعات حذراء منه وِاخذ العْبَر يا فطيني مشعل بن صنت العصيمي - الخرج النار والمجمار فالبرد زينات يدفا الجسم منها وتدفا اليديني النار فاكهة الشتا قول واثبات قالوه ناسٍ قبلنا من سنيني والنار خطره ماتبي منك غفلات خلك حذر وخلك فهيم وحصيني شل منقدك وابعده لو فيه جمرات او افتح الابواب خلك ذهيني حمد محمد الحنو - عودة سدير كم راح من نفس وكم واحد مات سبايب الاهمال يالغافليني تشب نيرانك خذها وصيات ترى الحذر مطلوب يالفاهميني ثمن تلذذ للدفاء تروح بسبات وتروح نفسك والحذر تستهيني هذي نصيحة لا تصير النهايات لاتتركون النار يالخيريني محمدبن عبد العزيز الخنيفر- اشيقر يا مشعله في بيتك اخذ احتياطات واعرف ترا نهج السلامه ثميني ترا الفحم خطرٍ على كل حزات منه الحذر واجب على كل حيني كم واحد من سبته ضمن الاموات وكم ناس يذبحهم وهم غافليني سعود سعد العتيبي - الرياض يلي تشب النار خذهاعبارات الموت مره في حياتك يبيني ولايغرك سجت البال ساعات الى استوا جوك وجمرك يزيني وكل الامور الطيبه جت علامات الجو دافي والخطر لك يحيني لاتكتم الموقع يجي فيه فتحات خل المكان مهوي يا ضنيني والعمر ماينباع لوهي مزادات حافظ عليه وخل حبلك متيني حمد عبدالله الوايلي - حوطة سدير خلك نبيه ولاتجي منك غفلات وضع خطير نعمله باليديني ترى الحذر واجب وللشر ساعات لو كان مايكتب لزوم يجيني التوعية واجب وفيها سلامات للمجتمع لازم اخوه وديني الحرص يلزم في جميع المهمات والحل واجد وانتبه يالفطيني علي رشيد الرشيد - رياض الخبراء هذي نصيحة قلتها اليوم بابيات ترى التهاون ينهي المهمليني غلطان ثم غلطان في هالسويات حذرا من الاهمال يالطيبيني لكن نشوف اهمال ونقول هيهات ياللاسف ياللاسف جاهليني وهذي رساله يا بشر مع وصيات واللي فهم للعلم لا يستهيني ريان محمد الخنيفر - اشيقر بيت الأسبوع كتبه للصفحة الشاعر شاطئ الخليل حول أهمية المهرجان الوطني للتراث والثقافة "الجنادرية" ويقول البيت: تراثنا واجب علينا نزوره تخليد لأمجاد الوطن والثقافة نستقبل صدى هذا البيت بأربعة أبيات خلال ثلاثة أيام من يوم النشر ويفضل الإرسال عبر الإيميل: [email protected]
