رثاء في الوالد الشيخ عبدالعزيز الجرباء رحمه الله يا نجود صبي لي من الكيف فنجال ما عاد عندي من يصب الدلالي من أول المجلس ثلاثين رجال واليوم خلوني وحيد لحالي أبوي ودعناه وتغير الحال والله يحفظ الوالدة للعيالي تجمع لهم شمل على طيبة الفال كل على الثاني عزيز وغالي يا كم فرحت بجمعة تسعد البال أني كبير بينهم يعنا لي وأثري يتيم طقني نايف الجال من يوم أخذ ربي عزيز الرجالي هقيتني في خدمة أبوي فعال وأثري أنا المخدوم لو زاد مالي فقدت آيات من الذكر تنقال مع دعوة في جوف هاك الليالي وفقدت روحات بها خوة رجال يضوي على الشايب كرام المعالي يا دمع ياللي حاجره ما بعد سال أرسل على الوجنات حر الهمالي ويالله ياللي ترسل الغيث همال أنزل على قبره تبيع ووالي ويا جاعل الأيام حل وترحال أجعل مقره في الجنان العوالي عبدالله بن عبدالعزيز الجرباء - الرياض
