بيت الاسبوع الماضي كتبه للصفحة الشاعر احمد بن ناصر المحرج من الرياض ويقول: يالله بنو يعم ارض الوطن كله ويبارك الله فيه وتنبت اعشابه وكان صدى البيت من الشعراء يالله انا طالبك ياغافر الزله بنون ثقيل وبرقه فيه عقرابه يالله بوسمن من المنشا على حله لله هو اللي كريم وفاتحن بابه ياعل كل الوطن يسقيه ويعله لين النفل والخزاما تطلع الرقابه يسقي الوطن يا ملا كل الوطن كله حتى الزبيدي يجي فالسوق جلابه سعد صنهات السهلي - الدرعية يالله بغيث يعم ارض الوطن جله ثلاثة اسبوع والامطار صبابه منشاه غربي يبشر بخير ويهله من مدلهم كاشف للبيت واطنابه من عقبها تربع الاوطان في حله والبر زاين وعشب الارض خلابه وراع الحلال استقل الشاص ويتله يبي الحيا الزين لو من دونه اذيابه خليف بن فهيد الحربي - الرياض سحب تتالا على الريضان منهله الحمد للي امر بالغيث وجابه وقت المطر تكثر الكشتات والفله يستانس الشخص مع ربعه واحبابه حتى المشاكل بهذا الجو منحله نبعد عن الشر ونتجنب اسبابه تلقى الرقه والزبيدي حوله بظله نلقط من الفقع يوم انا فرحنا به علي رشيد الرشيد - رياض الخبراء من مدلهم عريض الجال في حله خياله محجب يغطي شوفت هضابه اليا ترادم تزبر والمطر هله والسيل قام يتداحم فيه وترابه عشرين ليله ومزون الخير وتعله من رايح يسقي الريضان وشعابه النبت زاهي وجهز عدة الشله مكشات مع رفقة الخلان واصحابه حمد عبدالله الوايلي -حوطة سدير يا قابل التوب رب غافر الزله يا ناصر الدين وحْدك هازم أحزابه منزِّل الكتب والإسلام لك مله خالقٍ كل شي مقدر حسابه ارسل لنا مزنة بالودق منهله تطفي ظما الارض من وديان وشعابه تنبت بعد يبسها وبسطاها تفله تخضر رياضانها وشجارها غابه عبداللطيف الحُمَيَّانِي - عنيزة من مد لهن خياله يوم ينهله تروى البيادي وكل الناس تهنابه ضافي بروقه تبوح القاع وتفله والرعد يرزم وغيث المزن سكابه من جود وبله هشيم الأرض بأمر الله يخضر وتصبح ديار العرب خلابه عقب القحط والشحوب يصبح لها طله طلة عروسن بثوب العرس جذابه علي الزولاني الفيفي -بيشة يرعد ويبرق ومزنه وبله يهله ما به بلادٍ عداه الوبل ما صابه وسم وربيع ويجيه الصيف ويعله رجوعن تتالا تصير شعابها غابه دارٍ ودستورها القرآن والمله سلم وسلامٍ ووقت الحرب حرابه صديقنا نسعده والعدو نفطن له وجدودنا مجوده بيسود وذيابه غنام مسعد محمد القريني - نعام بيت الاسبوع كتبه للصفحة الشاعر عساف الغبيوي من الرياض حول تجنب اخطار السيول ووجوب الابتعاد عنها اثناء جريانها ورفض بعض ما يقومون به كثير من الشباب من تصرفات واستهتار بالارواح ويقول: ياللي تريد النصح حذرا من السيل كم واحد طيشه غدر في حياته نستقبل صدى هذا البيت بأربعة أبيات ويفضل الإرسال عبر الإيميل: [email protected] أو على الفاكس 4871070/ 011
