القصيدة رثاء في المرحوم بإذن الله الشيخ نايف بن محمد بن سلطان ابوخشيم مرحوم ياشيخ عزيز فقدناه جاه القدر محتوم في ثاني العيد صباح يوم الجمعة الأجل وافاه والموت حق وللمنية مواعيد قضاء وقدر بأسباب حادث ولاقاه سهم المنايا من سهوم مواريد نايف عسى في جنة الخلد مأوه في ظل بين مطيع لله وشهيد ادعو له برحمه من الله تغشاه وفي حادثه لقوا علامة علي الأيد سبابته مرفوعة فوق لله لله مرفوعة شهادة وتوحيد اكمل صيام الشهر والفرض صلاه وبوالدينه بر ما فيه تعقيد رحل عن الدنيا بتدبير مولاه انا اشهد انه من خيار الأواليد توه شباب وكاملات مزاياه نفسه رفعها عن دورب المناقيد طبيعته دايم بشوش محياه وبحسن ذاته يشهدون الأجاويد عوايده يضحك حجاجه لمن جاه ماشال في داخل ضميره لأحد كيد يا طيب نايف وأبو نواف رباه على الكرم والمرجله والتقاليد وجينا نعزي شيخنا لاعدمناه الله يمدد في حياته بتمديد محمد أبوخشيم والعلم ينصاه في مجلسه تلقى الرجال الأماجيد الله يعوضه في فقيده ويرعاه ويجبر عزانا في رفيع المسانيد ياشيخ لو الحزن يمسك مسكناه ولينمسك زحناه عن قلبك بعيد مثلك عسى كل المنايا تعداه ياللي تفك القيد لا استحكم القيد ونواف عضد لك وسلطان شرواه وحنا معك وبكل عزم وتأكيد في ضل حكام حكيمين ودهاه هم للوطن وأهل الوطن عيد سعيد آل السعود اهل المواجيب والجاه ومحمد الهم جدد العهد تجديد
